Arzentina
From Wikipedia, the free encyclopedia
Remove ads
Arzentina[20], ufisalmente Repùblega Arzentina, el ze un paeze sovran de l'Amèrica del Sud, ponesto inte l'estremo sud-est de sto subcontinente. El adota ła forma de goerno republegana, democràtega, reprezentativa e federałe.
La Arzentina ła ze organizada cofà un Stato federałe desentrałizà, formada dal 1994 da un Stato nasionałe e 24 zurisdision de primo órdene o stati autogoernai, che łe ze 23 provinse e ła Sità Autònoma de Buenos Aires (CABA), st'ùtema dezignada cofà Capitałe Federałe del paeze. Tuti i stati autogoernai i ga na costitusion, na bandiera e na forsa de seguresa pròpie. Le 23 provinse łe mantien tuti i poderi no dełegai al Stato nasionałe, e łe ga tre poderi autònomi e łe garantiza ła autonomia dei so munisipi.
Ła forma parte del Mercosur — bloco de ła cuała ła zera sta ła fondadora inte el 1991 —, ła Comunità dei Stati Latinoamericani e Caribegni (CELAC) e ła Organizasion dei Stati Americani (OEA).
La economia arzentina ła ze ła seconda pì desviłupada e inportante de Sudamèrica. El so PIL nomenałe el ze el 27º del mondo, el secondo paeze col pì alto ìndaze de Desviłupo Uman (IDH) de Amèrica Latina. Dèbito a ła so inportansa zeopułìtega e econòmega, ła Arzentina el ze uno dei tre stati sovrani latinoamericani che i forma parte del denomenà Grupo dei 20 (G20) e ła forma par de pì parte al grupo dei NIC o novi paezi industriałizai. Ła ze considerada na potensa rejonałe.
El so teritòrio el reunise na granda diversità de climi, cauzada da na anpiesa latitudenałe che ła sorpasa i 30° — includendo vàrie zone zeoastronòmeghe —, na diferensa inte ła altitùdene che ła va partindo dai 107m sul liveło del mar (Laguna del Carbon) ai cuazi 7000 slm e ła estension del litorałe marìtimo che ła riva ai 4725 km. Grande pianure ùmede łe confina co estendesti dezerti e alte montagne, mentre che ła prezensa de climi tropegałi e subtropegałi inte el nord, i contrasta co łe nevade e fredi estremi inte łe zone de łe cordilliere e inte el sud.
El so teritòrio continentałe american, che el cuerze granda parte del Cono Sud, el confina verso nord co Bołìvia e Paraguay, al nordest col Braziłe, verso est co Uruguay e el osèano Atlàntego, a l'ovest co Chiłe e, senpre inte el so setor american, al sud co Chiłe e łe àcue atlànteghe del pasajo de Drake.
Remove ads
Istòria
I primi rezistri de popołasion inte l'atuałe teritòrio argentino i se remonta ai trèdaze miła ani fa, durante del Pałeoamerican. In tenpi protoistòreghi, perìodo precołonbin, el zera sta abità da numarévułi popułi indìzeni, racuanti dei cuałi oncora i vive inte el paeze; intrà i cuałi łe tribù diaghite de ła zona nord-osidentale che łe viveva inte i confini de l'Inpero Inca in espansion; i Guaraní i viveva pì verso est arente i grandi fiumi; la rejon del Chaco ła zera popolada da łe etnie dei Qom'lek (o Toba), Wichì e Lule-Toconotè; inte el sentro (Rejon Panpeana) i viveva i Het o "pampas"; inte łe Sierras Pampeanas de Córdoba i "Comechingones"; a ovest, inte ła rejon andina, i viveva i Huarpe e i mapuche; inte ła Patagònia i patagoni (guenaken-ahoniken) e inte ła Tera del Fogo i selknam ("ona"), yagan e mannekenk.
La cołonizasion spagnoła de l'atuałe teritòrio arzentino ła zera scumisiada co viaji esploratòrii partindo da l'ano 1512, el stabiłimento de na popołasion inte el 1528 e ła distribusion del teritòrio ai adelantadi. Pì tardi, el zera cascà soto de ła zurisdision del Vireinà del Perù. Inte el 1776, ła Corona spagnoła ła ghea fondà el Vireinato del Rio de la Plata, el cuało el saria na entità pułìtega precedente a ła atuałe Repùblega Arzentina. El 25 de majo del 1810 el zera rivà a ła indipendensa de facto co ła depozision de l'ùltemo vicerè spagnoło che el ghea goernà dal Buenos Aires, organizàndose ła Prima Zonta de goerno. El 9 de lujo del 1816 ła zera sta proclamada ła indipendensa a San Miguel de Tucuman.
Remove ads
Economia
Inte el 2020, La economia arzentina ła ze ła seconda pì desviłupada e inportante de Sudamèrica. Drio cheło che dize ła Banca Mondiałe, el secondo paeze col pì alto ìndaze de Desviłupo Uman (IDH) de Amèrica Latina, solché dedrio del so confinante Chiłe. Par cheło che revarda ła deziguajansa ła Arzentina ła retrocede cuatro posti inte ła clasificasion globałe, e inte l'ìndaze de deziguajansa de zènero ła retrocede al 75èzemo. In educasion ła leje ła stabiłise che ła speza pùblega in educasion no ła gàpia da èsar inferiora al 6 % del PIL, anca se solché 5,5 % del PIL inte el 2017 el zera sta spendesto, co un taso de alfabetismo de łe persone majoreni de 15 ani superior al 99 %.
La economia arzentina ła ze ła seconda pì desviłupada e inportante de Sudamèrica. Drio cheło che dize ła Banca Mondiałe, el so PIL nomenałe el ze el 27º del mondo. Dèbito a ła so inportansa zeopułìtega e econòmega, ła Arzentina el ze uno dei tre stati sovrani latinoamericani che i forma parte del denomenà Grupo dei 20 (G20) e ła forma par de pì parte al grupo dei NIC o novi paezi industriałizai. Ła ze considerada na potensa rejonałe.
El ze l'ùgnoło paeze latinoamerican che el ga un sentro de reserca e insegnamento sientìfego intrà i dieze mejo del mondo, e el paeze iberoamerican co pì granda cuantità de premii Nobel in siense. La so capasità tecnolòzega e cientìfega ła ghe ga permitesto de dizegnar, prodùzar e esportar satèliti, construir reatori nucleari e de devegner el primo prodotor de software e aeronavi intrà łe so pì alte produsion.
Ła ga trategnesto cooperasion nuclear co paezi de Amèrica Latina, el Magreb, el Golfo Pèrsego, el Sudest Asiàtego e Oceania, partindo da łe capasità desviłupae da ła Comision Nasionałe de Enerzia Atòmega (CNEA) e par ła prestijoza inpreza statałe INVAP.
Remove ads
Zeografia
Zeografia fìzega
monte Chaltén[21], int'el Parco nasional de i giasari, patrimonio ONUESC
El ceibo, fior nasional argentin
El ze un paeze bicontinentałe co na superfisie de 2 780 400 km², el ze el paeze ispanòfono pì estendesto del pianeta, el secondo pì grando de Amèrica Latina e l'otavo inte el mondo, se se consìdera solché ła superfisie continentałe sojeta a sovranità reconosesta. La so Piataforma continentałe, reconosesta da ła ONU inte el 2016, ła riva ai 6 581 500 km², converténdose in una de łe pì grande del mondo, estendéndose partindo dal continente american finmente al Poło Sud inte ła Antàrtede, traerso del Atlàntego Sud. Se łe se conta łe ìzołe Malvine, Zeorze del Sud, Sandwich del Sud e altre numarévułe ìzołe menori (aministrae dal Regno Unio, parò de sovranità contendesta), pì na porsion de l'àrea antàrtega ciamada Antàrtede Arzentina al sud del parałeło 60° S, sora de ła cuała ła Arzentina ła reclama sovranità, ła superfisie ła se ełeva a 3 761 274 km². El ze uno dei vinti paezi che i ga prezensa permanente inte ła Antàrtide, esendo intrà chełi che i ga pì baze antàrteghe permanenti, co sie baze in totałe.
Ła superficie totae de ł'Argentina (esclusa ła parte antartica rivendicà), ła xe ła seguente:
- Totałe: 2 766 890 km²
- Tera: 2 736 691 km²
- Acua: 30 200 km²
Zeografia pułìtega
La Arzentina ła ze organizada cofà un Stato federałe desentrałizà.
Divizion aministrative
Da ła reforma costitusionałe arzentina del 1994, el Stato el ze formà da un Stato nasionałe e 24 zurisdision de primo órdene o stati autogoernai, che łe ze 23 provinse e ła Sità Autònoma de Buenos Aires (CABA), st'ùtema dezignada cofà Capitałe Federałe del paeze. Tuti i stati autogoernai i ga na costitusion, na bandiera e na forsa de seguresa pròpie. Le 23 provinse łe mantien tuti i poderi no dełegai al Stato nasionałe, e łe ga tre poderi autònomi e łe garantiza ła autonomia dei so munisipi.
- Le province łe xe divideste in altre unità segondarie pì cee, ciamae departamentos, o sia i departementi. L'arxentina ła ga 376 departementi.
Remove ads
Popołasion
Ła popołasion ła xe in masima parte de origine eoropea (sora-de-tuto de asendenza tałiana o spagnoła).
Gałeria de someje
el giasar[26] Perito Moreno, int'el Parco nasional de i giasari, patrimonio ONUESC
cascate de Iguazù, int'el omonemo parco, patrimonio ONUESC
panorama de Córdoba
Notasion
Varda anca
Altri projeti
Łinganbi foresti
Wikiwand - on
Seamless Wikipedia browsing. On steroids.
Remove ads