Domìnega
From Wikipedia, the free encyclopedia
Remove ads
La Domìnega, Dominiga o Dominica (/domi'niga/ o /domi'nika/;ufisalmente el Commonwealth de ła Dominiga, in ingleze Commonwealth of Dominica) el ze un Stato insułare democràtego-parlamentare del Mar dei Caràibi, inte l'interior del Commonwealth co capitałe e sità pì popołada Rosseau. Partegnente a l'arsipèłago de łe Picenine Antiłe, l'ìzoła ła ze situada a metà strada intrà łe ìzołe de ła Guadalupa e de ła Martìnega. Contrariamente a chełe altre ex-cołònie de ła rejon, ła Dominiga no ła ze mai stada un reame del Commonwealth col monarca britànego cofà cao de Stato: el zera devegnesto de facto na repùblega inte el momento de l'indipendensa.
L'ìzoła ła zera inte el prinsipio abitada dai indìzani Kalinago (Caribe) e ła ze sta de sevente cołonizada dai eoropei, prinsipalmente dai fransezi, che i ła ghea controłada dal 1690 al 1763. Cristòforo Cołonbo el ghea afermà de gaver pasà l'ìzoła inte el dì de Doménega del 3 de novenbre del 1493; da cuà el deriva el so nome Dominiga. El Regno Unio el ghea tolto el controło de l'ìzoła inte el 1763, dopo de ła guera dei sete ani, e el ghe ghea sostituio ła so łéngua orizenałe gradualmente co l'ingleze cofà łéngua ufisałe. L'izoła ła ghea otegnesto de consevensa l'indipendensa dal Regno Unio inte el 1978. No ła va confondesta co ła Repùblega Dominicana, altro Paeze de ła rejon zeogràfega caraìbega.
El cao del stato ze Charles Savarin (2 de otobre 2013), mentre che el cao del goerno ze Roosevelt Skerrit (8 de zenaro 2004).
Remove ads
Istoria
Colonizasion
Tra le ìzołe dei Caraibi, la Dominica la xe sta l'ultima a esar colonizà, par via de la forte resistenza dei nativi. Ciapà finalmente dai francesi, inte el 1763 la xe passà ai inglesi, che inte el 1805 i la trasformà in colonia.
Federasion
Dal 1958 al 1962 la ga fato parte de la Federasion de le Indie de l'Ovest, un Stato che riunea tute le ìzołete britaniche dei Caraibi, ma che el xe durà poco parché i abitanti de le varie ìzołe no i era boni de ndar dacordo.
Indipendensa
El 3 novembre 1978 Dominica la ga vu l'indipendenza del Regno Unìo. Deso la xe na republica, par cui anca se i xe restà dentro al Commonwealth britanico, la regina d'Inghiltera no l'è mia el cao de Stato.
Inte el 1980 xe nda su come primo ministro Mary Eugenia Charles, la prima dona cao de goerno de un paese caraibico, che la xe restà al goerno fin al 1995, migliorando un fià le condision econòmeghe del paese.
Remove ads
Gałeria de someje
pico Morne Diablotins a ovest
foze de el fiume Pagua a nordest
panorama de Roseau
Łago Boling int'el sito ONUESC de el Parco Nasional Morne Trois Pitons
.jpg)
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads