Ełetrodomèstego

I ełetrodomèsteghi i ze pareciadure o de łe picenine màchine ałimentae co enerzia ełètrega e destinae par ła dòpara domèstega.

Istòrego

I primi tentativi de ełetrifegar i ojeti de dòparo cuotidian i ze stai sperimentai inte el canpo dei ojeti de picenine dimension, partindo da ła fin del 1800, primi intrà tuti chełi a rezistensa ełètrega cofà tejero e bołitori.

El defondimento dei ełetrodomèsteghi inte ła Europa el zera cresesto in granda mezura intrà del 1930 e el 1970, soratuto inte el Nord Eoropa anca in Inghiltera e Fransa. Solché inte ła dècada del 1970 parò se vede un vero e pròpio s-ciopo inte łe véndite dei ełetrodomèsteghi in magnera masiva.

Tipi

Drio ła funsion

• bianchi (pareciadure ełetròneghe par ła netesa zenèrega): védarse i grandi ełetrodomèsteghi
• maron (pareciadure ełetròneghe audiovizuałi): ràdio, tełevizore, tełèfono, computer,etc.
• grizi (pareciadure ełetròneghe informàteghe e łe so perifèreghe): stanpante, console etc..
• blu (pareciadure ełetròneghe che łe dòpara osidanti)
• roso (pareciadure ełetròneghe de desfamento)
• załi (pareciadure ełetròneghe par netesa de l'onto)

Drio ła mezura

ła categoria de ełetrodomèsteghi bianca, ła połe vegner oncor-pì sudividesta:

• grandi (GEM): frigorìfaro, lavadora, conzełatore, lavapiati, lavasuga, spirapólvare, condisionatore ecc.
  • da pozar
  • da incasar
• picenini (PEM): fruładore, frizidora, zełatiera, spremagrumi, ventiłatore,