Eddie Van Halen
ghitarista ołandeze nadurałizà statunitense From Wikipedia, the free encyclopedia
Remove ads
Edward Lodewijk van Halen, conosesto cofà Eddie van Halen (Amsterdam, 26 de xenaro de'l 1955[1] – Santa Monica, 6 de otobre del 2020 [2]), el ze stà un ghitarista ołandeze nadurałizà statunitense. Co-fondadór de l'omonemo grupo, el vien anoverà tra i pì influenti, inovativi e tałentuozi ghitaristi de'l XX sècoło[3] soratuto grasie a'l parfesionamento de ła tècnega de'l tapping, che ła ga avuo un gran inpato so łe zenerasion sucesive de ghitaristi in partegołar de ła sena hard rock e heavy metal.
Ła revista Rolling Stone ła ło ga clasifegà a l'otavo posto tra i sento mejo ghitaristi de onji tenpo[4], mentre ła revista spesiałizada Guitar World ła ło clasifega a'l primo[5] .
Remove ads
Biografia e inisio cariera
El gera el menor dei do fiołi de Jan van Halen, sasofonista e clarinetista jazz de Amsterdam[6], e de Eugenia van Beers, cazałina nasùa a Rangkasbitung, inte łe ałora Indie orientali olandesi (corespondenti a l'odierna Indonezia), da na fameja de orizene zmisiàe olandezi e giavanezi[7][8]; el vive inte i Paezi Basi fin ai sete ani, co el se trasferise insenbre a ła fameja inte i Stati Uniìi stabiłìndose a Pasadena[8].
Zòvane zogador de bałon, el se avisina a ła mùzega studiando el pianoforte e ła bateria, ma ła só vera vocasion el ła trova a dòdaze ani co'l taca sonar ła ghitara de só fradèło mazor Alex: i do fradełi i crese zviłupando i propi stiłi muzegałi, studiando prevałentemente rock co na partegołar prediłesion par i The Beatles e i Led Zeppelin e, co riva el momento de formar el só primo grupo, in acordo co só fradèło, Eddie el passa definitivamente a ła ghitara e Alex a ła bataria.
Verso el fenir dei ani setanta i do, insenbre a'l basista Michael Anthony e a'l cantante David Lee Roth, i crea el grupo dei Van Halen.[9]
Pasionà scritor de fantasiensa, a metà dei ani 90 el pùblega un romanzo de ła cołana Urania.
El more el 6 otobre 2020 a 65 ani a cauza de un cancro a ła goła.[10]
Remove ads
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads