Ferovia Całalso-Pàdoa

La ferovia Calalso – Pàdoa a xe na ferovia secondaria italiana de propietà statae che la unise le Alpe, partendo da Całalso, co la Pianura Padana, a Padoa.

Ferovia Całalso-Pàdoa
Stati traversai	Itàłia
Łonghesa	155 km
Propietàrio	Rete Feroviària Italiana
Xestor	Trenitàlia
Eletrifegasion	ferovia no ełetrifegada

La linea feroviaria la xe xestia da Rete Ferroviaria Italiana che la cualifega cofà conplementare^[1].

Al servisio feroviario pasejeri rejonai e de longa percorensa al gnen fata da Trenitalia. inte el orarjo de servisio, e par motivi storeghi e gestionai, la linea la xe inseria inte el steso cuadro de la Montebeluna-Treviso.

Storja

La linea feroviarja tra Pàdova e Całalso ła xe al fruto de la realixasion de cuatro projeti diversi nasesti inte el periodo che al nda dal 1877 al 1914:

• la Basan – Padova;
• la Belun–Feltre–Treviso;
• la Montebeluna–Canpo San Piero;
• la Całalso-Belun.

El toco tra Padova e Canpo San Piero el xe stato fato da la Società veneta par Inprese e Costrusion Publeghe inte el anbito de la costrusion de la linea consorsial tra Basan e al caologo padovan. El toco in cuestion el xe stato finansià da la Provincia de Pàdova e el xe stato verto al 11 de otobre 1877^[2].

Rotabili doperadi

Inte la linea ze stato doperà treni tiradi da locomotive a vapor. In partegolar el xe da mansonar i grupi 530 e 740. Dal secondo dopoguera serti treni pasejeri i xe stati fati co automotore, cofà par esenpio le ALn772, le ALn448 (par la "Frecia de le Dolomiti", le ALn773 co i so rimorchi Ln664. I treni a basa frecuentasion deso i gnen fati co on numero intrà 1 e 5 ALn668 o, cualche olta, co on"Minueto". I treni pì frecuentadi i xe stati tiradi da D341, po' sostituide da D.343, cuindi D.345 e par fenir, da la seconda metà de i ani '90, da le D.445. Al servisio merci su cuela parte de la linea che no ła xe eletrifegada el xe stato fato infin a la metà de i ani '90. Ła ùltema axienda a doparar sto sistema de trasporto ła xe stada la cartiera de Santa Jostina. La trasion ła ghe xe stada fidada a locomotive a vapor infin almanco a la fin de i ani '60, podopo a le D.445.

Altre informasion

• Del 1965 inte el toco arente a Feltre e inte el toco tra Belun e Całalso łe xe state girade on poche de sene del film "Il colonnello Von Ryan" de Mark Robson co Frank Sinatra, Raffaella Carrà, Trevor Howard, Adolfo Celui; tra de le sene cadorine pì famoxe le ùlteme faxi del film fate inte el ponte sol Boite e inte la galeria "Cidolo" inte el comune de Peraroło.

Voxe corełade

• Ferovie italiane
• Ferovie vènete