Generalitat de Catalunya
From Wikipedia, the free encyclopedia
Remove ads
El Goerno de ła Catełogna (in catełan: Generalitat de Catalunya) l'è el nome che vien doparà par indicar el sistema aministradivo-istitusionał par el goerno autonomo de ła comunità autonoma de ła Catełogna (Spagna). I òrgheni che i ła conpon xe: el Parlamento, el Consejo Esecutivo (dito anca Goerno), ła Presidensa de ła Generalitat e antri òrgheni minori che i xe contenplai dal Statuo d'autonomia de ła Catełogna e da altre leji.
Remove ads
Istitussion
El Parlamento
El Parlamento de ła Catełogna (in catełan Parlament) el raprezenta l'organo lejislativo de controło de ła Generalitat. El xe rapresentativo del popoło catełan. La funsion legislativa pol essar esersitada avalio, opur co l'aprovasion de łe proposte prezentae dała Generalitat. La funsion de controło xe sostansialmente de bancałeva pułitico al poder del Goerno della Generalitat. In pi el Parlamento ga anca on rol de stimoło del'asion pułitica del Goerno stes.
Altre spetansa de minor inportansa łe xe afidae al Parlamento dała legislasion e dal statuo d'autonomia de ła Catełogna.
El se cata inteła cità de Barcełona, intel Parco de ła Sitadeła.
El Presidente de ła Generalitat
El Presidente de ła Generalitat (in catełan President de la Generalitat) xe ła massima espresion de ła rapresentasion de questa e el rapresenta a so olta el Stato Spagnoło in Catełogna. La so mansion xe queła de dar inpulso e coordinamento al'atività del Goerno o Consejo Esecutivo.
El Goerno
El Goerno (in catełan Govern) xe l'orgheno titołar del'asion pułitica e del'aministrasion de ła Generalitat; el xe anca in posses de potestà legislativa e de funsion esecutiva.
El Consejo de łe garansie statuarie
El Consejo de łe garansie statuarie (in catełan Consell de Garanties Estatutàries) xe on orgheno de nadura consultiva che tol in esame, inte i casi stabiłii dała lege, l'aderensa al Statuo d'autonomia dei progeti e de łe proposte de lege che xe sotoposte ała descusion e al'aprovasion del Parlamento.
Remove ads
Ligamenti foresti
Sito ufissial de ła Generalitat de Catalunya
Wikimedia Commons el detien imàjini o altri file so Generalitat de Catalunya
el detien schemi gràfeghi so
Remove ads
Wikiwand - on
Seamless Wikipedia browsing. On steroids.
Remove ads