Indiana
From Wikipedia, the free encyclopedia
Remove ads
L'Indiana (in łéngua ingleze 
scolta (?·i), [ɪndiˈænə]) el ze un Stato fedarà dei Stati Unii de l'Amèrica, inte ła rejon del Midwest; el ze sta el 19º stato che el ze devegnesto parte dei Stati Unii, l'11 de disenbre del 1816. El se pozisiona al 38º posto par estension e al 17° par nùmaro de abitanti intrà i stati che i forma i Stati Unii. La capitałe, e ła sità majormente abitada, ła ze Indianapolis; el confina col Lago Michigan verso nord-òvest, col stato del Michigan verso nord, co l'Ohio verso est, col Kentucky verso sud e verso sud-est e co l'Illinois verso òvest.
Prima de divegner un stato de l'Union, el zera abità da numarévułe tribù de nadivi americani, prezenti inte teritòrio de l'Indiana da miłiari de ani. Finmente da ła so fondasion, łe àree de insediamento łe ga specià ła segmentasion culturałe che ghe zera inte l'est dei Stati Unii: ła parte pì verso nord ła ze sta el posto de insediamento de persone che łe provegnea dal New England e da New York, l'Indiana sentrałe ła zera stada ocupà da chi che se gaveva spostà dal arente Ohio mentre verso sud se ghea insedià persone dai stati del sud, cofà Kentucky e Tennessee.[2]
L'economia ła ze bastansa difarensiada, co na produsion lorda de 366.71 miłiardi de dòłari inte el 2018[3]. L'Indiana ła ga grande àree metropułitane co pì de 100 000 abitanti e numarévułi picenini sentri industriałi e paezi rurałi. El stato el òspita racuante scuadre sportive cofà i Indianapolis Colts de ła NFL e i Indiana Pacers de ła NBA. I abitanti de l'Indiana i gnen ciamai "hoosiers"[4].
Remove ads
Gałeria de someje
_-.JPG)
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads