Interjesion

Na interjesion ła xe cheła parte del discorso che ła esplega on emosion del parlante, in manjiera direta. Inte ła lengua scrivesta, xeneregamente, ła xe seguia da on ponto esclamadivo^[1] par far rivare al interłocudore ła rapidità e el tono de l'espresion.

Tipołoxia

Le interjesion łe se soradivide in tre tipołoxie:

• prime, se łe ga ła unjoła funsion de interjesion (ah!, eh!, oh!, boh!);
• segonde, se łe xe parti del discorso, ma doparai come interjesion (taxi!, pecà!, ostrega!, ostia!);
• locusion interjedive, se łe xe fate da grupi de parołe separae (mare mia!, fame na carità!, orco boja!)