Lateria - Wikiwand

Edificio

La lateria pisola, la ze formada sol che dal casel. Al casel te el mondo agricol al ze na costrusion edilisia ligada a na majolera, a un maso o a na casa rural aonde che gnen cenest in fresca la lat dal momento che la gnen moldesta a quel che la gnen laorada. De solito al ga entro aqua corente par asportar al calor, e al ze fat de mur de piera col sofito fat a cuba de sass o senò pjan e fat de un geto de ciment armà. Al pol er una o pì finestrele pisole par far filtrar la luce necessaria a far le operasion ligade a la laorasion e a la manutension de la strutura; de solito ste finestrele le ga na qualche sort de seramento par evitar che i animai i vae a bere la lat. Casei de sto tip oramai i ze na rarità e no i gnen pì doperadi da gnissuni.

In epoche pì recenti ten ogni paess i contadin i se ga organizà in modo da far na strutura publica che la podesse funsionar da casel, da casera e da stanfia, formando cossì quela realtà che dess la gnen ciamada lateria. Al ze da sotolinear che se sta qua la ze ligada a un ambito paesan e la laora na quantità limitada de lat la gnen oncora identificada come casel. Ste costrusion le ze oncora esistenti quasi dapartut, e anca se se ghe un cata oncora qualchedun in funsion, par la gran part le ze state restuturade par organizar convegni e sagre paesane.

Dopo de la nassita de le laterie de mèdie dimension anca sto secondo tipo de casel al ga fenì la so gloria. Inte la lateria moderna la lat la gnen tolta sù te na serie de punti de racolta slargadi te el teritorio e la gnen portada in lateria da autobot. A el ricevimento gnen fat na prima sielta intrà la lat de alta qualità e quela normal, po'la gnen omogeneizada e filtrada. Dopo la gnen scremada par cavarghe na ulteriore part de pana e par portarla al valor olest de grass. A sto punto gnen sieldest quala lat mandar a la produsion de ogni singolo formai e quala che ga da esser vendesta par lat fresca o uhterizada.

Remove ads

Funsionamento

Te el casel la laorasion la scominsia co la racolta de la lat, che la gnen consegnada te i vasi da lat, o sia bidoi de aluminio cilindrici o a pianta elitica e dotadi de tirache de curan par esser portadi a spala. La lat la gnen assada na not a decantarse in modo da far afiorar la pana. Co la pana che gnen par sora de la lat, la gnen fat al botiro e co el resto de la lat se fa formai e poina. Al scarto de la laorasion de la pana (al lapin) e de la lat (al scòlo) i ghe gnen dati a i porsei. Al lapin al pol anca gner beest come purgante.

Remove ads

Organigrama aziendal

Le prime laterie le era turnarie, o sia i soci i ndea a turno a jutarghe a un caser fisso e pagà a laorar la lat de la jornada. La strutura la ze coletiva.

Co el tenpo ze nassest la lateria cooperativa (ideada dal belumat A. Della Lucia). Sto secondo tipo de organizasion al ga consentì an ingrandiment del volume de afari dando inìsio a la mèdia inpresa, diversa par personal, tecnologia, diversificasion del prodoto.

Te i ultimi ani anca sto model al ze stat sostituì (o mejo, al se ga evolvest) da le società de capitai. Dess na lateria qualunque la conta almanco an grupet de operai, de inpiegadi e de adeti a la vendita.

Wikimedia Commons el detien imàjini o altri file so Lateria

Pì informasion Controło de autorità ...