Lenguajo C

In informadega C l'è un lenguajo de programasion imperadivo de naura proçedurałe: i programi scriti co sto lenguajo i xe fati da espresion mademateghe e da istrusion imperadive ingrupae in proçedure parametrixae che le xe bone de manipolar difarenti tipi de dati.

C
creadore	Dennis Ritchie
data	1972
doparasion	Xenerego (alta eficensa)
paradigmi	inperadivo prosedurale
tipixasion	Stàtega
estension	.c par łe fonte e .h par le intestasion

El njien definio come un lenguajo de programasion de alto livel^[1][2][3] e el ga carateristeghe dei lenguaji de baso livel, o sia caratari, numari e indirisi, che i pole esar indicai co operadori aritmetisi e logiçi che i serve a le machine vere.^[4]. El lenguajo C, l'è sta fato par esar un lenguajo magro e performante, el dopara tante librerie par saver afrontar ogni tipo de exijensa, in particolar la libraria stàndar del C. Ste librarie, soto forma de file de intestasion o header file co suffisso .h, le pole esar caricae co la diretiva include del preproçesadore.