LibreOffice

LibreOffice el ze un software łìbaro de produtività parsonałe multipiataforma prodoto da The Document Foundation, nato dal fork de OpenOffice.org. LibreOffice el ciapa rento na serie de programi par l'ełaborasion de testi, foji de càlcoło, prezentasion, gràfeghi e dizenji, database e fórmułe matemàteghe e el ze conpatìbiłe anca co łe altre suite par ofisio, intrà łe cuałe Microsoft Office (ła conpatibiłità col formato OOXML ła ze in progresivo mejoramento). El pacheto el ze desponìbiłe in 108 łengue par i sistemi oparadivi Microsoft Windows, macOS, GNU/Linux e Android.

LibreOffice

Version de scumìsio	25 de zenaro del 2011
Version stàbiłe	25.2.3 (28 de apriłe del 2025) 24.8.7 (8 de majo del 2025) 25.8 Alpha1 (20 de majo del 2025)
Bazà so	OpenOffice.org
Licensa	GNU
Tipo	Pacheto de aplicasion pal ufiço e software lìbaro
Disponìbiłe in	Multilengua (co Vèneto, DECA)
In vèneto	Sí
Caratarìsteghe tècneghe
Sistema operativo	Microsoft Windows, macOS, GNU/Linux e Android
Piataforma	IA-32 x86_64 ARM PowerPC MIPS s390 Android
Dispositivo d'entrada	tastiera e mouse
Scrivesto in	C++ e Java
Forma file de letura	OpenDocument (it) , Office Open XML (it) , LibreOffice Gallery translations (en) e Portable Document Format
Forma file de scritura	Portable Document Format, .ppt (it) , LibreOffice Gallery translations (en) e OpenDocument (it)
Scuadra
Desviłupator	The Document Foundation
Destribuidore	Microsoft Store, Google Play, Mac App Store (it) , Flathub e F-Droid
Programadore	Stephan Bergmann (en) , Miklós Vajna (en) e Tomaž Vajngerl (en)
Font de còdaze  Còdaze font Còdaze font Debian libreoffice Arch Linux libreoffice-still Ubuntu libreoffice Gentoo app-office/libreoffice Snappy libreoffice Fedora libreoffice Google Play org.documentfoundation.libreoffice iTunes Store 1630474372 F-Droid org.documentfoundation.libreoffice

El nome el ze otenjesto da ła conpozision in notasion a cameło intrà ła paroła Libre (che ła vol dir "łìbaro" in spanjoło e franseze) e Office (che ła vol dir "ofisio" in ingreze e franseze).

Caratarìsteghe

Ła suite, che ła suporta nativamente el formato de file OpenDocument, ła gode de na bona conpatibiłità co chel'altre suite del setor e ła ze desponìbiłe par GNU/Linux, macOS, Microsoft Windows e ła ga calche inplementasion inte i sistemi oparadivi par dispozidivi mòbiłi. El so dòparo inte łe distribusion GNU/Linux el ze difondesto asè, e par łore A ghe ze anca ła varsion a 64 bit. The Document Foundation ła produze na nova varsion rełevante (pì release) de LibreOffice onji sie mezi e, eventualmente, ła se łinea col parìodo de distribusion marso/setenbre de altri projeti open source rełevanti.

Ła fondasion, inazonta, ła mantien do varsion difarente de LibreOffice. L'ùltema varsion ła ze desponìbiłe cofà anteprima de łe nove funsionałità inplementàe (na sorta de beta), domente che ła varsion presedente ła se revolze a i utenti che i prefarise ła stabiłità de ła suite.

Conponenti

I conponenti de LibreOffice i ze i stesi de OpenOffice.org, che da cueło A ze derivà:

Conponente		Descrision
	Writer	El ze un word processor co funsionałità conpanje e suporto a i file de Microsoft Word e WordPerfect. El ga caratarìsteghe WYSIWYG progredìe, ma el pol anca venjer doparà cofà editor de baze.
	Calc	El ze un fojo ełetrònego, sìmiłe a Microsoft Excel o Lotus 1-2-3. El ga un serto nùmaro de caratarìsteghe ùneghe, infra łe cuałe un sistema che el defenise automategamente ła serie de gràfeghi, so ła baze de łe informasion desponìbiłe par l'utente.
	Impress	El ze un programa par ła creasion de prezentasion multimediałe sìmiłe a Microsoft Powerpoint. Łe prezentasion łe pol èsar esportàe cofà file SWF, in modo da poder èsar vizuałizà so calsìase computer che el gae instałà Adobe Flash.
	Base	El ze un programa de creasion e jestion de database, sìmiłe a Microsoft Access. LibreOffice Base el parmete ła creasion e ła jestion de baze de dati, ła preparasion de màscare e rezoconti che i fornise a i utenti finałi un fàsiłe aceso a i dati. Cofà Access, el pol èsar doparà cofà front-end par sistemi de database, intrà i cuałi database de Access (JET), fonte de dati ODBC e MySQL, Firebird SQL o PostgreSQL
	Draw	El ze un programa de gràfega vetoriałe e un strumento de diagrami sìmiłe a Microsoft Visio e paragonàbiłe par caratarìsteghe a łe prime varsion de Corel Draw. El fornise conetori tra łe forme, che łe ze desponìbiłi inte na gama de stiłi de łinea par fasiłitar el dizenjo de diagrami de fluso. L'include anca caratarìsteghe sìmiłi al software de desktop publishing cofà Microsoft Publisher e Scribus.
	Math	El ze un programa par l'ełaborasion de fòrmułe matemàteghe. L'aplegasion ła dòpara na variante del łenguajo XML par ła creasion de fórmułe, come defenìo inte ła spesìfega OpenDocument. 'Ste fòrmułe cuà łe pol èsar incorporàe inte altri documenti de ła suite LibreOffice, cofà cuełi creà da Writer o Calc, metendo rentołe fórmułe inte el documento.

LibreOffice el ga inazonta un creador de PDF incorporà e un strumento de inportasion de file PDF. Grasie a ła só łisensa LGPL, A ze stà reałizà na varsion portàbiłe de LibreOffice.

Altri progetti

• Wikimedia Commons

• Wikimedia Commons el detien imàjini o altri file so LibreOffice
• Scholia el detien schemi gràfeghi so LibreOffice

Controło de autorità	VIAF (EN) 309856297 · LCCN (EN) no2014101401 · GND (DE) 1035495228 · BNF (FR) cb16598511p (data) · BNE (ES) XX5483185 (data) · WorldCat Identities (EN) no2014-101401