Luisa Ronchini

Luisa Ronchini (Bergamo, 1933^[1] – 13 de luglio 2001^[1]) xe stà na cantautrice itałiana.

Luisa Ronchini

Biografia
Nasimènto	1933 Bergamo (Itàlia)
Morte	13 de lujo del 2001 (67/68 ani) Venèsia (Itàlia)
Atività
Ocupasion	cantautor, cantante, chitarista
Atività	1963 - 2001
Instrumento muzicałe	voxe, chitara
Targheta discogràfega	Cetra, I Dischi Del Sole, Linea Rossa
Repertòrio
muxica popołar

Biografia

Nata a Bergamo inte el 1933 ła se gà trasferio prima a Bolzan e dopo a Venesia, dove che ła gà tacà łavorar come ceramista.^[1] Qua ła gà tacà frequentar grupi anarchici e na libreria, dove che ła gà descoverto i dischi del musica popołar.^[1] Spronada da I Dischi Del Sole ła gà tacà firar par całe e strade de Venesia, Ciosa e Treporti, registrando col registrator ła musica popołar de ch'i posti.^[1]

Inte el 1965 ła regstra el primo disco, l'EP Nineta cara par I Dischi Del Sole, insieme col chitarista Frnco Baroni. Inte el 1964 ła forma, insieme co Gualtiero Bertelli el Canzoniere Popolare Veneto, inte el 1965 ghe entra anca Alberto D'Amico. El grupo el mete insieme el spetacoło Tera e aqua, che el presenta par ła prima volta a Venesia el 7 april. Dal spetacoło vien publicà el disco Addio Venezia addio.^[1]

Luisa Ronchini contina sonando in giro in tanti concerti, insieme co artisti importanti come Gigi Proietti e publicando altri dischi col Canzoniene Popolare Veneto e da soła.^[1]

Inte el 1986, insieme co Alberto D'Amico, utiłizando el soranome de Osvaldo e Vincenza, i canta quatro canzon anticlericałi par ła radio libara Radio Gamma 5, che łe vien publicae in musicaseta da ła stesa radio.

Inte el 1990 ła publica na racolta de testi de canzon inte el libro Sentime bona zente.^[1]

L'ultimo concerto ło gà tegnuo inte el 1993, in ocasion de łe cełebrazion de ła nasita de ła Camera del Lavoro de Venesia, insieme co Gualtiero Bertelli, Alberto D'Amico e tanti altri.^[1]

Ła xe morta el 31 de luglio del 2001 par na rara małatia.^[1]

Discografia parziałe

Album

• 1975 - Semo tutte impiraresse
• 1977 - Mi vo' a cantar di Chioza... la chiara stela
• 2002 - Re Orso

EP

• 1965 - Nineta Cara - Canzoni popolari veneziane

Singołi

• 1967 - Tera e aqua
• Sulla linea di condotta da tenere di fronte agli interrogatori in questura (insieme co Gualtiero Bertelli)

Libri

• Sentime bona zente (1990)