Måneskin
From Wikipedia, the free encyclopedia
Remove ads
I Måneskin i ze un grupo muzegałe rock italian formà a Roma inte'l 2016 e conponesto da Damiano David (voze), Victoria De Angelis (baso), Thomas Raggi (chitara) e Ethan Torchio (bateria).
I ga razonzesto ła notorietà inte'l 2017 drìo ła partesipasion a l'undezèzema edision de X Factor, grasie a ła cuałe, pur esendose clasifegai segondi,[1] i ga firmà un contrato co l'eticheta discogràfega Sony Music, publegando l'EP Chosen inte l'isteso ano.
Inte'l 2021 i ga vinsesto ła 71ª edision del Festival de Sanremo co'l brano Zitti e buoni,[2] co'l cuało i ga raprezentà l'Italia azudegandose l'Eurovision Song Contest 2021.[3]
Remove ads
Istòria del grupo
Primi ani
Drìoman a na prima cołaborasion tra el cantante Damiano David e ła basista Victoria De Angelis, inte'l novenbre 2015, alcuni ani daspò el so primo incontro, David ga reciamà De Angelis co'l fin de formar un grupo; a ła formasion se ga zontà el chitarista Thomas Raggi, amigo de De Angelis a łe scòłe medie muzegałe, e 'l baterista Ethan Torchio, che se ga agregà co un anuncio publegà so un grupo Facebook.
Inte'l 2016 el grupo ciapa parte al Pulse - High School Band Contest, vinsendoło, e par ła prima volta ga utiłizà el nome Måneskin, na paroła daneza (traduzibiłe in vèneto come ciàro de Łuna), łengua de orizene de De Angelis.[4][5] Inte'l steso ano i ezordise co'l primo concerto uficiałe in ocazion de ła so partesipasion al Meeting de łe etichete independenti.[6]
2017-2020: X Factor e Il ballo della vita
Inte'l 2017 i ciapa parte a l'undezèzema edision del talent show X Factor e, daspò aver suparà łe faze inisiałi del programa co gran suceso, i se clasifega al segondo posto, soto ła guida del mentore Manuel Agnelli. In concomitansa co'l talent vien fora Chosen, EP produzesto da Lucio Fabbri,[7] sertifegà dopio disco de platino da ła FIMI e contenjente l'omonèmo sìngoło, che risevarà medezema sertifegasion.
El 7 de zenaro 2018 i ze ospiti de ła trazmision Che tempo che fa, siglando ła so prima aparision in Rai. Drìoman i partesipa come ospiti inte łe trazmision E poi c'è Cattelan e Ossigeno, sto ùltemo conduzesto da Manuel Agnelli. El 23 de marso vien publegà el so segondo sìngoło, Morirò da re, sertifegà dopio disco de platino. El 28 de avriłe i ze ospiti del programa Saturday Night Live, conduzesto da Claudio Bisio.
El 12 de zunjo i partesipa a ła segonda serada dei Wind Music Awards, andove i riseve el premio CD Platino par l'album Chosen e'l premio Sìngoło Platino par el brano omonèmo. El 16 de zunjo i partesipa a ła sètema edision de Radio Italia Live - Il concerto, par po' ezibirse al Summer Festival 2018. Inte ła data del 6 de setenbre de ła so tournée utunałe del 2018 i verze el concerto dei Imagine Dragons a Miłan.[8]
El 28 de setenbre i publega el sìngoło Torna a casa, che otien un stragrando suceso, devenjendo el primo sìngoło del grupo a rivar in sìma a ła Top Singoli de ła FIMI, venjendo drìoman sertifegà cuintuplo disco de platino.
El 25 de otobre i ze ospiti del primo live de X Factor 12.[9] El zorno drìo vien publegà el primo àlbun in studio del grupo, Il ballo della vita. Par prezentar el disco, in alcuni sìnema italiani el 24 de otobre ze stà proietà el documentario This Is Måneskin[10][11] (l'incasso è stato di 74 306 € con 6 428 biglietti venduti). All'album è seguita a partire da novembre 2018 una tournée europea, Il ballo della vita Tour,[11][12] che ga otenjùo el tuto ezaurìo in onjuna de łe tape prevedeste,[13] fato che ga portà el grupo a zontar nove date inte'l sucesivo pariodo estivo.[14]
El 18 de zenaro 2019 vien publegà el terso estrato da l'àlbun, Fear for Nobody, seguìo l'11 de avril da L'altra dimensione, che'l deventa ła sio cuarta top ten inte ła Top Singoli de ła FIMI. Drìoman i continua ła tournée europea che se conclude l'11 de setenbre seguente. Do zorni dopo vien anuncià el video de Le parole lontane, ùltemo estrato da l'àlbun, che se pozisiona suito inte łe tendense de YouTube Italia. Sarà el steso grupo ad identifegar el brano come uno dei pì visini al so projeto e a'l cuało i ze łigà.
El 31 de otobre 2019 i ze ospiti a X Factor Italia, mentre el 28 novenbre 2019 i se ezibise al The Dome de Łondra.[15]
Teatro d'ira - Vol. I e'l suceso intarnasionałe (2020-2021)
El 30 de otobre 2020 i Måneskin ze tornà so łe sene muzicałi co'l sìngoło Vent'anni, primo estrato dal so segondo àlbun in studio. [16] Do mezi pì tardi i ze stà anuncià come partesipanti al Festival de Sanremo 2021 co'l brano Zitti e buoni, rezultando vinsidori finìa ła manifestasion;[17] durando ła tersa serada del Festival i ga seguìo Amandoti dei CCCP insieme a Manuel Agnelli.[18] El 19 de marso 2021 A ze venjesto fora el segondo àlbun Teatro d'ira - Vol. I, conponesto da òto brani.[19]
El trionfo al Festival de Sanremo ghe garantìo l'aceso a l'Eurovision Song Contest 2021 in cuałità de raprezentanti de l'Italia, clasifegandose al primo posto e devenjendo i tersi vinsidori italiani inte ła storia de ła manifestasion; inazonta no capitava dal 1964 (ano inte'l cuało Gigliola Cinquetti ga portà Non ho l'età (per amarti)) che un artista italian vinsese inte l'isteso ano el Festival di Sanremo e l'Eurovision Song Contest co'l medèzemo brano e a l'ezordio in entranbe łe conpetision.[20] I Måneskin ze devenjesti in pì el primo grupo rock a trionfar dai tenpi de Lordi co Hard Rock Hallelujah inte'l 2006.[21]
Grasie al trionfo a l'Eurovision, sia Zitti e buoni che l'àlbun Teatro d'ira - Vol. I, oltra ai brani I Wanna Be Your Slave e Coraline, ze entrà inte łe clasifeghe setimanałe de tuta Europa e oltra, nonché in cueła globałe stiłada da Spotify;[22] Zitti e buoni e I Wanna Be Your Slave i ga par zonta fato el só ingreso inte ła clasifega Billboard Global 200 Excl. US.[23] A partir da zugno 2021 el cuarteto se ga ezibìo in vari programi tełevizivi europei, sonando dal vivo Zitti e buoni e I Wanna Be Your Slave.[24][25][26]
Inte'l meze de majo David e De Angelis i ga ciapà parte a ła version itałiana del film Crudelia dopiando do personazi del film; David ga par zonta prestà ła voze par Artie durante l'ezibision de sto ùltemo in una cover del brano I Wanna Be Your Dog degli Stooges.[27]
El 4 de łujo 2021 i cuatro i monta in sima a ła clasifega mondiałe de Spotify co ła só varsion de Beggin' dei Four Seasons, publegada in orizene tre ani prima drento a l'EP Chosen.[28] Beggin' debuta inte ła Billboard Hot 100 a ła pozision 78 par po' razonzer ła nùmaro 13, rendendo cusì i Måneskin i segondi vinsidori de l'Eurovision inte ła storia resente a entrare in clasifega.[29] el 15 de łujo A vien distribuìo el video muzegałe de'l terso singoło I Wanna Be Your Slave,[30] de'l cuało el 6 de agosto vien fora na nova varsion reałizada insenbre al cantante statunitense Iggy Pop.[31]
L'8 de otobre 2021 A vien fora el singoło novo Mammamia,[32] promovesto calche zorno pì tardi da'l rełativo video muzegal. El 26 de otobre 2021 i se ezibise al Tonight Show de Jimmy Fallon, durante el cuało el condutor anunsia che'l cuarteto el gavarìa verto el concerto dei Rolling Stones de'l 6 de novenbre 2021;[33] sempre a novembre sono ospiti all'Ellen DeGeneres Show, dove cantano Beggin'.[34] Il 9 dicembre, ospiti alla finale di X Factor 15, eseguono I Wanna Be Your Slave, Zitti e buoni, Beggin' e Mammamia.[35] Il 22 gennaio 2022 si esibiscono durante una puntata del Saturday Night Live.[36] El 1º de febraro 2022 i ze invitài a ła serada de vertura de'l Festival de Sanremo 2022, dove, oltra al brano vinsidor de ła presedente edision Zitti e buoni, i sona Coraline.[37] Drioman i anunsia un novo tour mondiałe, el Loud Kids Get Louder.[38]
L'8 de apriłe i rende disponibiłe so Instagram na anteprima de Gasoline, insidesto come parte de l'iniziadiva Stand Up for Ukraine indeta da Global Citizen.[39] Nove zorni pì tardi el grupo el prezenta el brano durante l'ezibision al Coachella Valley Music and Arts Festival, a ła fin de ła cuała David critica el presidente de ła Rusia Vladimir Putin in merito a l'Invazion rusa de l'Ucraina de'l 2022.[40]
Remove ads
Stiłe muzegałe e influense
.jpg)
Drio Damiano David, el «grupo el ze na tradusion de ła mùzega de'l pasà inte ła modernità».[41] Inte'l voltar de ła só cariera i Måneskin i ze stài clasifegài come pop rock,[42] rock alternativo,[43] glam rock e hard rock.[44][45]
Inte'l primo àlbun in studio Il ballo della vita A prevałe na influensa funk, come se pol intuir da łe trase Fear for Nobody, Sh*t Blvd e New Song. I testi de łe canson, scrvesti da'l soło David, i rezulta el zusto misioto de metrica e conceti, sensa dezbocar inte'l banałe poètego né rezultar suparfisiałe, rendendo cusì posibiłe trasformar ła voze in un potente ed espresivo strumento muzegałe, A oserva Luca Mastinu par Optimagazine.[46][47] So ła sielta de'l titoło de'l disco, ła basista Victoria De Angelis ła ga dichiarà a Rolling Stone Italia:[48] A pensemo che'l raprezenta par intiero l'idea de l'àlbun: el bało el ze un ato che visina łe parsone, che'l fa łibarar, che'l fa pèrdar łe sorastruture par far venjer fora ła parte pì spontanea de nu. E A ze cueło che gavemo sercà de far co 'sto disco. El bało de ła vita el senjifega na sełebrasion de ła zoventù, de ła łibartà., op. cit.
Inte'l segondo àlbun Teatro d'ira - Vol. I el stiłe de'l grupo el prezenta dei canbiaminti, avisinandose majormente a l'hard rock,[21] come se evinse da'l segondo singoło Zitti e buoni.[49][50] El disco el ze stà rezistrà intieramente in preza direta a'l fin de recrear l'istesa atmosfera che i Måneskin i ga provà durando i conserti tenjùi inte i ani presedenti.[51] Tałe conseto el ze stà rebadìo da'l grupo inte'l corimento de ła prezentasion de l'àlbun:[52] Onj brano el ze stà intieramente conposto da nialtri, da ła prima a l'ùltema nota. El sarà un disco fora dai canoni, ne semo consapévołi e se ne gavemo ciavà par donarve ła varsion pì sincera e reałe de nu stesi, parché ła mùzega ła ze l'ùnega cosa che ła conta, e 'sta volta ła sarà noma che eła a parlar. Par deso metève comodi so łe poltrone, el Teatro d'ira el stà par alsar sù el só tendon., op. cit.
A propozito de l'àlbun, ła revista Rolling Stone Italia ła ga declarà: «I Måneskin i se ne ciava de rezultar sora łe righe e cuesta ła ze na cosa bona e zusta. Se sente che i ze stra zòvani e i te ło zbate in fasa. Ła zbrufonarìa ła fa parte de'l DNA de'l rock e co eła el riscio de rezultar ridicołi».[53] Il loro aspetto e il loro sound sono stati paragonati alla musica rock degli anni settanta. I membri della band hanno citato varie influenze musicali, tra cui Led Zeppelin, Fleetwood Mac, Nirvana, Radiohead, Franz Ferdinand,[54] David Bowie e Gentle Giant,[55] i Rolling Stones e i Doors,[56] Arctic Monkeys,[57] Red Hot Chili Peppers, Harry Styles, Bruno Mars e łe rock band itałiane Marlene Kuntz, Verdena e Afterhours.[58] Parlando de łori e de l'ezibision a l'Eurovision, ła revista The Guardian ła ga afermà: «I itałiani co łe scarpe da zinàstega e l'eyeliner i ga infogà el palco co'l só rock punk-funk a torso nùo, che i ga cantà inte ła só łenguamare».[59]
Remove ads
Formasion
- Damiano David – voze (2016-presente)
- Victoria De Angelis – baso (2016-prezente)
- Thomas Raggi – ghitara (2016-prezente)
- Ethan Torchio – bataria (2016-prezente)
Discografia
- 2018 – Il ballo della vita
- 2021 – Teatro d'ira - Vol. I
- 2023 – Rush!
Tournée
- 2018/19 – Il ballo della vita tour
- 2022/23 – Loud Kids Tour Gets Louder
Reconosimenti
Notasion
Wikiwand - on
Seamless Wikipedia browsing. On steroids.
Remove ads