Mao Zedong

Mao Zedong (trasliteraxion alternativa: Mao Tse-tung, cin.: 毛泽东; Shaoshan, 26 de diçenbre 1893 - Pechin, 9 de setenbre 1976) l'é stà un rivołuxionario e statista cinexe, tra i fondatori inte el 1921 del Partio Comunista Cinexe^[1][2][3] e presidente de ła Republica Popołare Cinexe dal 1949 al 1958^[1][2][3].

Mao Zedong inte el 1938

Mao Zedong inte el 1949

Mao Zedong co Gerald Ford e Henry Kissinger inte el 1975

Biografia

Mao Ze Dong l'era nato a Shaoshan^[1] inte el 1893 ^[1][2][3], fioło de na fameja de contadini^[2].

Inte el 1927 el rompe col Kuomitang, el partio de Chang Kai-shek, guidando l'insurexion contro lo steso partio, che parò fałise.^[1][2][3]

In seguito el organixa grupi armà de estraxion contadina inte ła rejon del Hunan^[1][3] e inte el 1931 el vien eleto presidente de ła neo-costituatasi Republica Comunista del Hunan e del Kiang-shi^[1][2][3].

Costreto a ła fuga, inte el 1933-1934, el organixa la Longa Marcia fin a Yenan.^[1][2][3]

Inte el 1937, co ła guera contro el Giapon, el firma un acordo col Kuomitang.^[1][2][3]

Terminà el conflito inte el 1945, el sconfige definitavemente el Kuomitang durante ła guera çiviłe del 1946-1949^[3] e l'1° de otobre 1949^[2] el proclama la Republica Popołare Cinexe, che el guidarà fin al 1958^[2][3].

Inte el 1959, el scumisia ła so bataglia ideologica contro el revisionismo soviètego e ła destalizaxion vosuda da Nikita Chruščëv^[2][3][4], bataglia propedeutica a ła cosideta rivołuxion culturałe del 1966-1969 ^[2][3][4], da cui nase anca ła costixion cinexe del 1975^[2][3][4].