Max Weber
From Wikipedia, the free encyclopedia
Remove ads
Maximilian Carl Emil Weber (Erfurt, 21 de apriłe 1864 - Monaco de Baviera, 14 de zugno 1920) el xe stà n'economista, sociołogo, fiłòxofo e istòrego todesco.
Remove ads
El xe considerà uno dei pàri fondadori deło studio moderno deła sociołozia e deła publica aministrasion. El ga sacuminsià ła so cariera academica a ł’Università Humboldt de Berlin; sucesivamente el ga laorà a ł’Università Albert Ludwigs de Friburgo, a ł’Università de Heidelberg, a ł’Università de Vienna e a ł’Università de Monaco. Personajo influente inte ła pułitega todesca del so tenpo, el xe sta consijer dei negosiadori todeschi durante el Tratato de Versailles e deła comision incaricada de scrivar ła Costitusion di Weimar.
Łarga parte del so laoro de pensador e studioxo ła ga riguardà ła rasionałizasion inte ł'anbito deła sociołozia deła rełigion e deła sociołogìa pułitega, ma i so studi i ga dà on contributo inportante anca intel canpo de ł'economia. ła so opara pì famoxa el xe el sajo ł'etica protestante e ło spirito del capitałismo, col cuałe el ga scuminzià łe so riflesion sora ła sociołozia deła rełigion. Weber el sostegneva che ła rełijon ła gera una dełe raxon non escluxive par cui łe culture de ł'osidente e de ł'oriente łe se ga sviłupae in maniera diversa, e el sostegneva ł'inportanza de alcune particołari carateristighe del Protestanteximo ascetico che a ga portà ała nàsita del capitałismo, deła burocrazia e deło stato rasional e łegal inte i paexi osidentałi. Inte on'antra so inportante opara, ła pułitega come vocasion, Weber el ga definìo ło stato come "on'entità che ła reclama el monopołio de doparar łexitimamente ła forza fixica", na definision divegnesta sentral inte ło studio dełe moderne siense pułiteghe in osidente. Ai so contributi pì noti a se fa de frecuente riferimento come "Tesi de Weber".
Remove ads
Altri projeti
Wikimedia Commons el detien imàjini o altri file so Max Weber
el detien schemi gràfeghi so
łigadure foreste
- Treccani scuola: Max Weber tra etica e pułìtega Archivià il 9 de aprile 2008 in Internet Archive.
Remove ads
Wikiwand - on
Seamless Wikipedia browsing. On steroids.
Remove ads