Peata

Ła peàta ła ze na grosa inbarcasion da strapòrto utiłizada inte ła łaguna de Venesia. De dimensión anca considerevołi, ła ze simiłe come forma a ła caorlina ma ła ze pì scuadrada e dai ori pì basi. Ła ze caratarizada da un scafo presochè parałeło, fondo piato a do picołe coverte a pròva e a pòpe, indotàe paròmo de do bite par l'armìzo e el remùrcio.

Peata

Ła capasità de cargo ła ze notevołe e ła varia da 100 ai oltra 800 cuintałi de portàda^[1].

Ła só propulsión, tìpegamente a do vogadóri, ła rechiede remi de partegołar vigorìa e dimension notevołi, nonché na considerevołe forsa fìzega.