Primavera

La primavera (pronunsià /prima'vɛːra/), ciamà anca verta, ła xe una de le cuatro stajon de l'ano.

On canpo drio fiorir in primavera

La xe ła stajon andove ła natura ła se sveja dopo l'inverno: el clima el deventa manco fredo, le piante le taca a far i fiori e se se invia verso l'istà.

Par sto motivo cuà, inte i tenpi antighi, ła primavera la xera ritegnesta ła prima stajon de l'ano (e de fati, el calendario tradisionałe vèneto, el metea el primo de l'ano al 1° marso invese che al 1° xenaro).

Dal ponto de vista astronòmego, ła primavera la taca al ecuinòsio de primavera (21 marzo inte l'emisfero setentrional, 23 setenbre in cuelo meridional) e la finise al sostìsio d'istà (21 de zugno a nord e 21 dicenbre a sud).

Etimołoxia

El tèrmano el deriva dal latin «vēr»,^[1] cognà dal tèrmino sanscrito «vas», o sia «luxegar», «luxar» o «sbrełuxegar».

Inte ła cultura de masa

La Primavera de Sandro Botticelli

Festività

• Cao de l'ano Vèneto - Bati marso Tradisionałe cao de l'ano Vèneto che el casca el 1° de apriłe.
• Pàscua, festa mòbiłe che ła casca ła Doménega inte el perìodo intrà el 22 de marso e el 25 de apriłe.^[2] A sta festa ghe xe ligà anca ła stimana santa (o sia cheła prima) e el luni de l'Ànxeło, o sia el dì dopo.^[2]
• Festa de San Marco che ła casca el 25 de apriłe.
• l'aniversàrio de ła liberasion de l'Itàlia, (libarasion dal naxifasismo) che el casca anca eło el 25 aprile.^[3];
• la festa del laoro, che ła casca el primo dì de majo.^[4]
• pese de apriłe che ła njien fata el primo dì de chel mexe.^[5]