Router

On instradadore o in inglexe router, l'è on dispoxidivo de rete che. inte na rete informadega a comutasion de pacheto, la se ocupa de "instradare" i dati, divixi in pacheti, intrà sotoreti difarenti.

Router dei primi ani 2000, desinà al marcà domestego.

Pole esar visto come on dispoxidivo de intermuxamento tra difarenti sotoreti, eteroxenee o no, che ghe permete la interoperabilità (internetworking) a livel de indirisamento^[1][2], laorando a livel loxego, come gropo interno de rete deputato a la comutasion de livel 3 de model OSI o del livel internet inte el model TCP/IP.^[3] L'instradamento el pole esarghe verso le sotoreti diretamente conese, so intermuxi fixiçi difarenti, o se no verso altre sotoreti no viçine che, grasie a le informasion contegnue inte le tabele de instradamento, se ghe pole rivar traerso altri gropi de la rete. El tipo de indirisamento operà l'è ciamà indireto el oposto de l'indirisamento direto tipico del trasporto drento de le sotoreti.