Scanner (informadega)

El Scanner, o Scanerixador , el xe na periferega in grado de ciapare, in modałità otica na superfiçe analoxega (foji stanpai, pajine, fotografie, diapoxidive), de inrendarla come on grumo de pixel, e de conseguensa de farghine vegner fora ła copia fotografega sotoforma de imajine dijitałe.

Exenpio artistego de Scanner da caxa

El proçeso e chel che njien fora da ła scanerixasion, el xe ciamà scansion o scandire, che xe praticamente che l'asion de catare e traxmetare i particołari de l'imajine scandia. Sia el verbo inglexe to scan, che da là riva ła paroła scanner, sia el verbo Veneto scandire, i ga ła stesa orixane da verbo latin scandere.^[1][2]

In pì, inte el corso dei ani, xe divegnue popołari algune parołe "storpiae", Venetixae, che łe deriva aponto da Scanner, par exenpio "scanerixar" o "scansionar".