Scultura

Ła scultura ła xe (inte el senso moderno del termine) l'arte de dar forma a un ogeto partendo da n materiałe grexo o asenblando difarenti materiałi. Come molte altre parołe riguardanti el mondo dell'arte anca ła paroła scultura e quindi el conseto che esa raprexenta i xe evolui inte el tenpo.

Dezanbìgua – "Scultore" ła remanda cuà. Se te serchi ła costelasion, védarse Scultore (costelasion)

Trapezophoros co do grifoni che i sbrana na serva. Scultura in marmo połicromo (IV sec. a.C.). Rinvenùa a Ascoli Satriano (FG) xe considerà un'opara unica inte el so xenere de cui nò existe presedenti anałoghi.^[1]

Scultura, detajo da na formeła del Canpanil de Giotto a Firense

Xe posìbiłe modełare un ogeto par adision o sotrasion, a seconda del materiałe. Materiałi come el legno el marmo evc. i parmete de scolpire intajando o scolpendo ła materia stesa. Materiałi come l'arxiła invese i consente de modełare par adision xontando man mano materia a ła materia inisiałe.

Có'l termine scultura se indica anca el prodoto finałe, o sia qualsiasi ogeto tridimensionałe creà come espresion artistega.

Materiałi tradisionałi

David de Michełàngeło, probabilmente ła pì conosùa scultura, (Galeria dell'Academia)

I materiałi tradisionalmente dopàrai inte ła scultura i xe:

• piera
• arenaria
• baxalto
• calcare
• granito
• marmo
• steatite
• geso
• crèa
• porcełana
• teracota
• cartapesta
• intonaco
• metało
• ałuminio
• bronso
• fero
• avorio
• legno

Materiałi moderni

Tra i materiałi dopàrai dall'arte moderna i se cata:

• tesùo
• véro
• sabia
• cemento
• aqua
• giaso
• neve
• cristałi liquidi
• plastilina
• animałi morti
• rotami
• són
• rexina
• goma

Forme

Alcune forme de ła scultura łe xe:

• Rilievo - scultura atacà a no sfondo dal cuałe emerxe in altorilievo o basorilievo
• Statua - de cui i costituise sotoxeneri el Busto e ła scultura equestre

El Surealismo descriveva come "scultura invołontaria" queła fata quando se manipoła calcossa sensa pensarghè sora, a exenpio quando se piega na grafeta fermacarte o se arotoła un bijeto del sinema.