Selvasan
comune itałian From Wikipedia, the free encyclopedia
Remove ads
Selvasan (in itałian Selvazzano Dentro) el xe un comune de 21 164 abitanti de ła provincia de Padova. Ła popołasion de Selvasan ła ga avuo na crésita davèro vełose a partir dai ani 1960, tołendo na bona parte de xente che, inte el fraténpo, ła 'ndava fora dal caołogo. Ancó Selvasan ła xe el secondo comune de ła provincia par abitanti.
Remove ads
El nome el deriva forse da un propietario de tere (Salvitius) che el gaveva otegnesto qualche canpo da ste parte in tinpi de ła dominasion de Roma. L'orìxene da silva Iani (Bosco de Giano, divinità romana) no ła cata conferme, anca se ghe xe refereminti sul stema del comun. A quei tinpi Selvasan ła jera un insieme de strade che łe partiva da Pàdova, su łe cuałi i xe nasesti insidiaminti: sti qua i xe tornai inte el Medioevo, insieme a un monastier dedicà Santa Maria de Quarta dei Benedetini. Durante el ténpo de dominasion de ła Serenìsima i teritori de Selvasan, tirai drénto inte el vicarià de Teóło, i xe 'ndai a inportanti fameje del patrisiato venesian. El comun vèro e propio el xe nasesto durante el Regno Łonbardo-Vèneto e i sói confini i no xe pì canbiai.
El teritorio comunałe de Selvasan el se slarga a ovest de Pàdova e'l xe costituio da na pianura de orìxene ałuvionałe, da ła cuałe łe salta fora łe alture de Montecia (44 m) e del Mòtoło (26 m), ùltimi dei Cołi Eugànei in diresion nord-est.
El xe traversà da ovest a est dal corso del fiume Bachiłion che el divide el caòłogo in dó parte, na a drita e na a ła sanca del fiume. Sto aparir el ga influensà anca el nome itałian: ła paroła "Dentro" (drénto) el fa referimento a ła poxision del séntro del'abità, catà a ła drita del corso del Bachiłion (de qua dal'aqua come che el se lese in documinti del XVII sècoło).
Remove ads
Evénti
- Ogni vènere de matin se fa un marcà setemanałe a Tencaroła, inte ła piasa cimà propio "mercato". Sénpre in sta frasion ghe xe, a ła fin de agosto, na sagra dedicada a San Bórtoło.
- Al séntro de Selvasan invese se fa ła sagra de Santa Maria del Rosario, de otobre, daspò ła festa rełigioxa.
- Par squaxi tuto el mexe de majo a Feriołe ghe xe el Majo Feriołexe, co stand de gastronomia, xughi, conferense, teatri e mese [2].
Remove ads
Evołusion demografica
Abitanti censii
Fonte
Łigadure foreste
Wikiwand - on
Seamless Wikipedia browsing. On steroids.
Remove ads