Senegal
From Wikipedia, the free encyclopedia
Remove ads
El Senegal, ufisialmente Republica del Senegal el xe no Stato de l'Africa occidental.
El confina a nord co la Mauritania, co el Mali a est, co la Guinea Conakry e la Guinea Bissau a sud, el Gambia xe no Stato incunea’ rentro in tel Senegal sudosidental; a ovest el confina co el Oxeano Atlantico.
Remove ads
Zeografia
El Senegal l'è un paese pianegiante, la colina pi alta l’è rente a Nepen Diakha e la xe alta solo 584 metri.
Al nord ghe el fiume Senegal che fa da confin co la Mauritania.
Al sud, ghe foreste tropicali. L’est del paexe fa parte del Sahel.
Storia
Antighità
El Senegal l’è stà abità fin da ła preistoria.
El paexe el xe stà colonizà da vari regni rejonałi par la so importansa par le piste comerciali.
El Islam l'è rivà inte el XI secolo.
El impero de i mandingo controlava na parte del Senegal inte i secoli XIII e XIV. El regno de i jolof controlava el nord a ło steso tenpo.
I europei fasea marcà ne i porti su la costa dal XVI secolo.
Inte el 1677, i francexi ga comprà l’isola de Gorée, poco fora de Dakar. Da qui partea le navi co i sciavi[17].
Modernità
Inte el 1850, i francesi ga scomincià a far guera co i regni de l’interno (Waalo, Cayor, Baol, and Jolof) par conquistar el teritorio su la teraferma.
Inte el janaro 1959, Senegal e Sudan Francexe i se univa in federasion auto-governata. La federasion la xe durada poco. Inte el agosto de lo steso ano, i do paexi i se ga diviso con la creasion de le repùbleghe del Senegal e del Mali.
Indipendensa
Léopold Senghor fu eleto primo presidente del Senegal. Inte el 1980, Senghor sa ritirà da la pułìtega, on dei pochi presidenti africani a lasar el poder de so volontà.
El novo presidente el xe stà Abdou Diouf. Diouf l’à govarnà par quatro legislature e ga promoso l’economia.
Inte el 1982, el Senegal e el Gambia i sa unìo inte na federasion, che parò l’è stà disolta inte el 1989.
A lo steso tempo, la rejon de la Casamance, a sud del Gambia, ga scominsià a far na guera de autoderminasion che la va avanti fin ancò.
En tel 1990-91 ghe stà na breve guera de confin co la Mauritania, specialmente ne la zona de Rosso.
Inte el 2000, Abdoulaye Wade, cao de l’oposision, l'è diventà el terzo presidente del Senegal.
Remove ads
Zeografia politega
La cavedal xe Dakar.
Popolasion
La majoria de la zente la vive ne le zone rurali.
Etnie
I wolof xe el grupo pi importante (43%), i peul e i toucouleur i xe al 24%, el resto xe grupi etnici picoleti: serer (15%), lebou (10%), jola (4%), mandinka (3%), naarkajors, soninke, bassari.
Religion
La majoria de i senegalexi i xe musulmani. El islam del Senegal xe organizà atorno a le fratelanze sufi: i do pi importanti grupi xe i Tijaniyya e i Murydyyya.
I cristiani catoleghi xe el 5%, ma i forma na comunità influente. El primo presidente del Senegal xera un catolego.
Łéngue
La łéngua ofisial xe el francexe.
Tuti i grupi etneghi ga la so łéngua, anca se el wolof xe ła łéngua franca parlà da tuti.
Remove ads
Economia
L’agricoltura la serve el marcà interno, anca se el Senegal espora bagigi, coton e fruta.
La pesca la serva par el marcà interno e par l’esportasion.
L’industria produse cemento, fertilizanti chimici, prodoti texili, e prodoti alimentari.
El turismo l’à na industria importante.
L’Itałia xe uno dei Stati pi inportanti par el marcà col Senegal.
Curiosità
La cità de Dakar l’è ciama così par la presenza de i tamarindi, dakar in wolof.
La cità de Rufisque la deve el nome al fiume da le àcue fresche, rio frisco' in portoghexe.
Gałeria de someje
fałezie inte ła costa sentro-meridional de el paeze
fiume Ganbia a sudest
someja aerea de Caolac
ìzoła de Goré, patrimonio ONUESC
Notasion
Altri projeti
Łinganbi forèsti
Wikiwand - on
Seamless Wikipedia browsing. On steroids.
Remove ads