The Bionic Woman

The Bionic Woman (in veneto A se pol traduzer "Ła dona biònega") ła ze na serie tełeviziva statunitense nasesta come spin-off de ła serie L'uomo da sei milioni di dollari. In èła nase el parsonajo de Jaime Sommers (ła dona biònega), intarpretà da l'atora Lindsay Wagner, che ga otenjesto notevołe suceso, tanto da spontonar ła caza de produsion Universal a crear na serie insentrà so de èła.

The Bionic Woman

Paeze	Stati Unii de l'Amèrica
Zènare	fantasiensa, programa de supereroi e sèrie de asion
Ecuìp tècnega
Creador	Kenneth Johnson (it)
Conpozitor	Jerry Fielding
Atori	Lindsay Wagner Richard Anderson Martin E. Brooks Ted Cassidy
Conpangnia produtora	ABC
Destribudor	Universal Television
Łéngua orizenałe	inglezo
Canałe orizenałe	ABC  NBC
Durada dei capìtułi	48 min
Primo epizòdio	14 de zenaro del 1976
Ùltemo epizòdio	13 de majo del 1978
Stajon	3
Epizodi	58
Lista epizodi	episodi di La donna bionica (it)
Altre	Bionic Woman (it)
Pì informasion

El primo epizodio de La donna bionica el ze stà trazmetesto inte i Stati Unìi inte'l zenaro del 1976; ła serie ła se artigoła in tre stajon par un totałe de 58 epizodi (a 'l cuało ghe va sumà alcuni in coprodusion co L'uomo da sei milioni di dollari) e se dezgropa inte'l parìodo 1976-1978. Ła serie ła ze stà trazmetesta da ła ABC par łe prime do stajon e da ła NBC par ła tersa.

In Itałia ze stà trazmesto pa'ła prima volta so rede tełevizive łocałi e drìoman so łe rede Fininvest (atuałe Mediaset). Ła sigla de ła serie ła jera Bambola bambina, de Jimmy Fontana. Drìoman ła sigla ła ze stà sostituìa co'l tema muzegałe "Dei" de Formisano-Pennino.

Trama

Łe caratarìsteghe de 'sto tełefilm łe ze molteplisi e łe se caratariza par el conubio intrà ła fantasiensa e l'aspeto uman e psicołòzego dei personazi che afronta diverse visisitudini cotidiane. In partegołar el personazo de Jaime Sommers, par vołontà anca de ła stesa Lindsay Wagner, el riese a evidensiar co emotività ła dificoltà de asetarse co parte "diverse" da cuełe de łe altre persone sensa par cuesto abaterse. Jaime infati deside de métar al servisio de l'OSI, ofisio de seguresa dei Stati Unìi d'America direto da Oscar Goldman, łe propie facoltà biòneghe come azente segreto, e durante łe só mision el riese a portar a tèrmene el difisiłe conpito a łore asenjà, uzando i só partegołari poderi sensa mai eseder in prevaricasion o viołensa, ma uzando speso astusia, sensibiłità e serveło par venjìr fora da situasion parigołoze.

Personazi

Jaime Sommers

Jaime Sommers ła ze el parsonajo protagonista de ła serie e el ze intarpretà da Lindsay Wagner. Jaime Sommers ła nasea Ojai (Całifornia) inte'l 1949. Inte'l 1966 i zenidori (azenti governadivi) i vien copà durante un conflito. Ła va vivar co Elen e Jim, zenidori de Steve Austin (el futuro uomo da sei milioni di dollari), de'l cuało ła deventarà amiga e co'l cuało ła frecuentarà el college. Jaime deside cuindi de łasar Ojai per sèitar ła cariera de tenista, deventando na granda profesionista e risevendo numarozi reconosimenti.

Inte'l 1975 ła torna a Ojai, ndove che ła incontra da novo Steve Austin che inte'l fratenpo el ze deventà cołoneło. Intà i do A sciopa l'amor. Ma durante un łanso co'l paracazùe Jaime ła subise un teribiłe insidente, infati el só paracazùe se ronpe ed èła ła presipita. Jaime ła ze in condision desperàe e Steve el chiede ajuto a Oscar Goldman par réndar Jaime biònega. L'operasion ła vien reałizà dal dotor Rudy Wells e Jaime deventa ła prima dona biònega; łe parte anatòmeghe sostituìe co arti biòneghi łe ze el braso dreto, łe ganbe e ła recia dreta.

Jaime ła deside de łaorar par Oscar e l'OSI fazendo l'azente segreto in mision conplegàe e difisiłi. Par tre ani Jaime ła zvolze conpiti partegołari che ła porta a conosar parsone, risci e parìgołi de meision governadive ad alto riscio. Jaime ła se incorze de ver trascurà un fià se stesa inte i ani zvolzesti al servisio e ła deside cuindi de ritirarse, zvolzendo calche mision ocazionalmente. Inte'l 1987 ła incontrarà da novo Steve par jutar Oscar. Ła stesa roba ła avenjar inte'l 1989, cuando Oscar el gavarà bezonjo de'l juto de Jaime e Steve par salvaguardar na inportante conpetision ołìnpega. Finalmente inte'l 1994 Jaime e Steve, despò varie peripesie, i riusirà a spozarse.

Epizodi

Stajon	Epizodi	Prima TV orizenałe	Prima TV Italia
Prima stajon	14	1976
Segonda stajon	22	1976-1977
Tersa stajon	22	1977-1978

Tra ła prima e ła segonda stajon A vien insarìi do epizodi dal tìtoło "Gli extraterrestri" parte 1 e 2, orizenariamente partenjenti el primo a l'uomo da sei milioni di dollari e'l segondo a ła serie La donna bionica; in zènare in Italia entranbi i epizodi i ze trazmetesti inte ła serie La donna bionica.

Film TV

Łe vicende, dopo ła serada de ła serie, łe ga avùo seguito in tre film tv coproduzesti co ła serie L'uomo da sei milioni di dollari.

• The Return of the Six Million Dollar Man and Bionic Woman (Il ritorno dell'uomo da sei milioni di dollari) (15 de majo 1987)
• The Six Million Dollar Man and the Bionic Woma (Bionic Showdown: nScontro bionico ) (30 de apriłe 1989)
• Bionic Ever After? ( Il ritorno della donna bionica) (29 de novenbre 1994)

I primi do film TV i ze stà trazmetesti da ła NBC, el terso da ła CBS.

Nova serie

Inte'l 2007 ła NBC ła ga produzesto un remake de ła serie, Bionic Woman, co protagonista Michelle Ryan.

Dopo el suceso dei primi epizodi progresivamente i scolti i ze całà senpre de pì^[1]. A cauza po' del siopero del sindacato dei senejadori e de serti avicendamenti tra i autori^[2] A ze ndà in onda soło oto epizodi; inte'l marso del 2008 ła NBC ła ga ofisialmente sospendesto ła serie^[3].