Topa

La topa ła ze na inbarcasion a fondo piato tìpega de ła Laguna de Venesia.

Topa

Dopo che'l se ga zviłupà inte'l Novesento cofà mezo da dipòrto^[1], el se treta de na variansa più capiente topo da cui el se desferensia par ła forma de'l pòpe che ła ze piana (a ''specio'') e non tondizante e par le dimension più cotenjùe. Tìpegamente, infati, na topa ła prezenta na łonghesa conpreza infrà i 6,5 e i 7,30 metri e na łarghesa che varia intrà 1,70 e 1,90 metri^[2].

Anca ła propulsion ła ze versatiłe: l'inbarcasion ła pol èsar spenta sia a remi (co pozision de voga a ła veneta e da uno a cuatro vogadori) che a veła co àlboro trasportàbiłe łozà inte'l trasto popiero, timon-darìva pozisionà a pope e veła a'l terso. La forma a specio de'l pòpe ła se ga po' mostrà parfetamente adata par l'istałasion de motori forabordo, favorìndo cusì el rapido pasagio a na propulsion motorizada patòca^[1]. Le dimension cotenjùe, che fasiłita ła navigasion anca inte l'area urbana, e ła versatiłità de i mezi de propulsion łe ga fisà el suceso de 'sto tipo de inbarcasion, che ła ze intrà łe più diramàe in sità, adibìa prinsipalmente par funsion de diporto (ła pol trasportar sìe-sete parsone) e ocazionalmente par el strapòrto de carghi rełativamente contenjùi. Verso ła fine de'l Novesento, a i modełi tradisionałi reałizài in łenjo se ga fiancà anca modełi reałizà in vetroresina (veroraza)^[2].