Voiello

Voiello ła ze na impreza ałimentare itałiana produtora de pasta, fondada a Torre Annunziata inte'l 1879.

Voiello

Bomò	Se non la provi, non sai cosa ti perdi.
Dati
Sorte	azienda inpreza
Indùstria	Industria alimentare
Forma zurìdega	socetà par asion
Istòria
Creasion	1879 , Torre Annunziata
Atività
Prodoto	pasta italiana (it)
Governo d'impresa
Ente controłante	Barilla
Propietàrio	Barilla
Sito web	voiello.it

Daspò ła cesion de ła sosietà a ła Barilla inte'l 1973, i prodoti i ze fabregà prevałentemente inte un stabiłimento produtivo de 'st'ùltema situà a Marcianise, in provinsa de Cazerta.

Storia

Inte'l 1879 el zvisaro Theodor von Wittell (itałianizà in Teodoro Vojello) el ga costruìo un opifisio inte'l comune de Torre Annunziata pinte ła łocałità contrada Maresca; só fio Giovanni Vojello el ga continuà ła só òpara e ła ga portà a tèrmene, trasformandoło inte un pastifisio.

Inte'l 1910 el pastifisio Vojello el produzeva 30.000 cuintałi de pasta, vendùa soło so ła piasa de Napułi. Inte'l córar de'l Novesento el pastifisio el ga zgrandìo ła produsion travgerso l'introdusion de cuełe moderne tencołozìe che gradualmente łe ga aumentà ła difuzion de'l prodoto. Da Napułi e ła Canpania, ła pasta Vojello ła ga razonzesto Miłan, Torin, Bergamo, Genova e Firense.

Se ła prima guera mondiałe no ła gaveva sfrizà el stabiłimento toreze, ła segonda ła ło ga destruzesto scuazi de'l tuto: inte i ani sincuanta ła produsion ła jera infati crołada da 20.000 a 10.000 cuintałi. So'l scominsio dei ani setanta i inpianti veci e obsoleti i rechiedeva na modernizasion, reałizada inte'l 1973 grasie a l'incontro co ła Barilla, che ła ga riłevà l'azienda, subentrando inte ła zestion de ła sosietà e zlargando i stabiłimenti, che i ze stà spostà in Terra di Lavoro inte ła sità de Marcianise.

L'archivio

Ła documentasion produzesta da Voiello, insenbre a cueła rełativa ai altri marchi de l'isteso conparto produtivo che, a partir dai ani setanta, i ze entrà a far parte de'l Gruppo Barilla (Braibanti, Pavesi, Tre Marie e Mulino Bianco) ła ze conservada inte l'archivio stòrego Barilla^[1], creà inte'l 1987 par inisiativa de Pietro Barilla, par rancurar, conservar e vałorizar ła documentasion stòrega e aziendałe, a partir da'l 1877. Daspò che inte i ani setanta el cospicuo archivio aziendałe el zera ndà desperdesto e in parte desfà, A ze stà efetuà un capiłar recuparo de tuto el materiałe posibiłe, cartaseo e non, drento e fora da l'azienda. El se cata inte'l stòrego stabiłimento a Pedrignano, a łe porte de Parma, inte'l fondo Barilla^[2], costituìo da sirca 35.000 tochi divizi par setor.

Voze corełae

• Barilla

Linganbi foresti

• Sito ufisałevoiello.it.