WikiLeaks

WikiLeaks (da'l inglexe "leak", fuga de notisie) ła xe na organixasion internasionałe che ła riçeve in modo anonemo, documentasion coerta da segreto (de stato, miłitare, industriałe, bancario) e po łe carga su'l so sito web. Prima de publicare el materiałe ła organixasion ła verifega se el xe autentego. 'L anonemato de ła fonte de ła fuga de notisie el xe proteto da ła organixasion.

WikiLeaks

Epònemo	wiki
Dati
Sorte	organizasion internasionałe whistleblower platform (en)
Fini	segnałator de iłèsiti
Istòria
Creasion	4 de otobre del 2006
Fondador	Julian Assange
Altri
Premi (2011)  José Couso award (en)  Walkley Award for Most Outstanding Contribution to Journalism (en)
Sito web	wikileaks.org

Gran parte del staff e dei fondatori del sito el xe ncora anonemo, fora che el creator del sito Julian Assange.

WikiLeaks no ga gnente a che vedere col projeto Wikipedia e co ła Wikimedia Foundation.

Inte el 2010 WikiLeaks ga publicà un gran numaro de documentasion riservae del exersito merican so łe guere in Iraq e in Afghanistan (publicae col nome, rispetivamente, de Iraq War Logs e de Afghan War Diary). Senpre inte el 2010, el 28 de novenbre, WikiLeaks ga scominsià a publicar numaroxe documentasion e informasion che łe jera riservae par el Stato 'merican. Sta fuga de notisie ła xe sta ciamada: cablegate. 5 jornałi mondiałi ga publicà łe informasion che ghe gheva pasà WikiLeaks. In seguito, el sito, ga subìo numeroxi atachi enformateghi de tipo DDoS (Distributed Denial of service)^[1][2].

El 3 dicembre 2010 el sito WikiLeaks, atraversò ła so pajina so Twitter, ga acusà espliçitamente i USA de averlò oscurà.^[3] Atualmente el sito xe ospita so moltepliçi server online^[4] (al 10 dicembre 2010, 1559 mirror - soło parxialmènte ativi - creai in risposta a ła canpagna de mass-mirroring lançia da WikiLeaks el 4 dicembre 2010^[5][6][7]) e xe açesìbiłe atràverso diferenti nomi a dominio (come wikileaks.ch registrato dal Partio Pirata Internazionale) resi disponìbiłi da vari provider DNS.^[8]