Windows 95

Microsoft Windows 95 (1995-2001) nòme in codìxe Microsoft Chicago), comunèménte conosùo cofà Windows 95, xe on sistema operativo pròpriètario de ła Microsoft Corporation apartènente a ła famèja Microsoft Windows e dedicà ai PC IBM e IBM conpàtibiłi.

Windows 95

El logo de Windows 95
Version de scumìsio	24 de agosto del 1995
Fameja S.O.	Windows 9x
Version stàbiłe	4.00.950C/4.03.1216 OSR2.5 RTM
Stato atuałe	Non pì sopòrta dal' 31 de diçenbre 2001[1]
Licensa	Propriètàrio (Microsoft EULA)
Disponìbiłe in	multiłéngua
Caratarìsteghe tècneghe
Piataforma	x86
Forma	3½-inch floppy disk (en) e CD-ROM (it)
Tipo de Kernel	Kernèl Monołitìco (16/32 bit)
Scuadra
Desviłupator	Microsoft Corporation

Rilasà el 24 agosto 1995 par proçesòri Intel 80386 e sopèrìori,^[2] Windows 95 xe el prìmo sistèma operativo ibrido 16 bit/32 bit^[3] a interfàçia grafèga de ła famèja Windows 4.x.

El lansò sol mercà de Windows 95 xe sta aconpagnà da na granda canpàgna publiçitària che in tełevixion gàveva come aconpàgnamènto musicałe ła canxon dei Rolling Stones Start Me Up, canxon che aludèva a ła novisima funxionałità del softuér: el mènù "Start".

Windows 95 se difondeste on fià rapìdàmènte tra i utiłixadòri de personal computer, parmetèndo a ła Microsoft de afermàrse definìtivàmente sol mercà dei sistèmi operativi e de asumèrne na posixion dominànte anca in te' ani avènir. Ciò che pèrmise a sto sistèma de difòndèrsi tra utènti domestìçi xe sta l'inovatìva grafèga, che senplìficàva notèvolmènte l'utiłixo del computer rispèto a łe preçedènti version e ai altri sistèmi operativi concòrenti, ma soratuto el prexo mòlto pì abordàbiłe rispèto a OS pì còstoxi cofà quełi de ła Apple.

Stromènti novi e aplicaxìoni ajiornae

Graxie a Windows 95 mòlti acesòri e aplìcaxioni inclùse in te' sistèma operativo son stae xòntae o mijorae:

Aplicaxìoni e acesòri

Desktop de Windows 95

• Microsoft WordPad - sucesòr dè'l preçedente progràma Windows Write, par crear tèsti conplèsi. WordPad se presènta arichio de nove funxioni e bòtoni da fràcare!
• Microsoft Paint - gà subio on restyling grafègo de łe icòne dei bòtoni, rìsultàndo pì gradèvołe e pì façiłe in te' utiłixo.
• Imaging for Windows - progràma che supòrta ła creaxion, ł'anotaxion, ła visuałixaxion e ła stanpà de imaxìni bitmap e TIFF.
• Windows Media Player - sucesor de Media Player, se presènte pì articołà e co carateristìghe mijorae.
• Xughì - venèro fornìi do novi xùghì: Hover!, contègnuo in te' CD de Windows 95 e 3D Pinball Space Cadet, introdòto co Plus! 95.

Edixioni

Edixion	Version	Version de Sistema	Data de rilaço
Windows 95 OEM	4.00.950	4.00.950	24 agosto 1995
Windows 95 OSR1	4.00.950a	4.00.951	14 febraro 1996
Windows 95 OSR2	4.00.950 B	4.00.1111	24 agosto 1996
Windows 95 OSR2.1	4.00.950 B	4.03.1214	27 agosto 1997
Windows 95 OSR2.5	4.00.950 C	4.03.1216	26 novènbre 1997

Service Pack 1

El 14 febraro 1996 Microsoft rilasa el Service Pack 1^[4] par Windows 95, che corexe alconi erori e introdùçe alcone mijorìe. Eco l'elènco dei novi conponènti che xòntava^[5]:

• Protòcoło Microsoft DLC a 32 bit par Windows 95
• Ajiornàmènto de Microsoft Exchange
• Microsoft Internet Explorer 2
• Servixi de Microsoft par NetWare Directory Services
• Driver infràrosi de Windows 95 version 1.0
• Windows 95 SLIP e de supòrto de script par aceso remodò
• Microsoft Word Viewer