World Trade Center (1973-2001)

El World Trade Center (letaralmente, Sentro de Comerso Mondiałe) de New York el zera un conpleso de sete edifisi par ła pì granda parte projetai da l'architeto Minoru Yamasaki e da l'inzegnero Leslie Robertson e desviłupà da l'Autorità Portuałe de New York e New Jersey. El conpleso el zera ponesto inte ła parte Sud de l'ìzoła de Manhatann, inte el Lower Manhatann e el zera tanto conosesto in particułare par l'ecesionałe rezalto de łe Tori Zemełe (Twin Towers), inaugurae inte el 4 de apriłe 1973 e par i tanto cruenti atentai de l'11 de setenbre del 2001 che i łe ghea desfà. Col croło de łe tori denomenae WTC 1 e WTC 2) anca chełi altri edifisi menori (WTC 3, WTC 4, WTC 5, WTC 6 e WTC 7) i zera stai desfai o danejai ireversibilmente e de consevensa batesti-zó inte i mezi sucesivi. Atualmente, el sito el ze sta recostruio co sìncue novi gratasiełi, un memoriałe par łe vìteme dei atachi e un terminal de trasporto.

World Trade Center
Dati
Sorte	Conpleso imobiliar e strutura desfada
Architeto	Minoru Yamasaki (it) Emery Roth & Sons (en)
Inpreza costrudora	Tishman Realty & Construction (en)
Costrusion	25 de agosto del 1966
Desołusion	11 de setenbre del 2001 , Atentati de l'11 setenbre
Istòrego
25 de agosto del 1966	prima piera
agosto 1968 – majo 1987	costrusion
4 de apriłe del 1973	vertura
26 de febraro del 1993	atentà terorìstego
11 de setenbre del 2001	atentà terorìstego
11 de setenbre del 2001 – 31 de majo del 2002	demołision
Caraterìsteghe
Stato de dòpara	interà o desfà
Materiałe	Aciaio inosidabiłe, beton e màrmaro
Costo	900 980 759 $
Mezurasion	417 () m
Nùmaro de asensori	198
Pozision
Rejon aministrativa	Manhattan (New York)
40°42′41″N 74°00′45″W40°42′41″N, 74°00′45″W
Formà da	World Trade Center twin towers (en) 4 World Trade Center (en) 5 World Trade Center Marriott World Trade Center (it) 7 World Trade Center (en) Austin J. Tobin Plaza (en)
Atività
Propietàrio	Silverstein Properties e Westfield Group

Inte el momento del conpletamento, l'orìzenałe One World Trade Center (ła Tore Nord) e el Two World Trade Center (ła Tore Sud), conosesti popołarmente cofà "Tori Zemełe", i zera i edifisi pì alti del mondo. Chełi altri edifisi i includea el WTC 3 (Marriott World Trade Center), el WTC 4 (andove vàrie borse vałori e altri ufisi i oparava), WTC 5, WTC 6 (che el zera sede de l'Ufiso doganałe e de protesion de łe frontiere) e el WTC 7. Tuti sti edifisi i zera stai costruii intrà el 1970 e el 1985, co un costo de $400 milioni de dòłari (2,3 miłiardi de dòłari del 2014). El conpleso el zera ponesto inte el core del destreto finansiàrio de New York, co un spàsio totałe de 1,24 milioni de metri cuadri par ufisi.

El restorante Windows on the World el se catava inte i piani 106 e 107 del One World Trade Center (ła Tore Nord), mentre che el ponte de oservasion Top of the World el zera al pian 107 del Two World Trade Center (ła Tore Sud). Inte el 1998, l'Autorità Portuałe ła ghea decidesto de privatizar el World Trade Center, induzindo na gara pùblega par na socetà privada a zestir l'edifiso, e ła gara ła zera stada inte ła fin vinsesta da Silverstein Properties inte el lujo del 2001.

La matina de Marti 11 de setenbre 2001, i teroristi de Al Qaida i ghea fazesto sbàtar du aèrei Boeing 767 inte el conpleso, uno contro cadauna de łe tori zemełe, inte un ataco terorìstego coordenà. Dopo gaver bruzà par 56 minuti, ła Tore Sud (WTC 2) ła zera crołada, seguia meza ora dopo da ła Tore Nord (WTC 1). I atachi al World Trade Center i ga provocà 2.753 morti. El WTC 7 el ze crołà inte l'isteso dì e chełi altri edifisi, sibè che no i sìpia crołai, i ghe ga tocà vegner demołii parché el dano provocà dai rudenasi de łe du tore el zera ireparabiłe.