Konstanc
From Wikipedia, the free encyclopedia
From Wikipedia, the free encyclopedia
Konstanc (rom.: Constanța [konˈstant͡sa]) om lidn, meriport da kurort Romanijan suvipäivnouzmas. Se om valdkundan videnz' lidn eläjiden lugun mödhe, om Konstancan ümbrikon administrativižeks keskuseks da palaks.
Lidnanznam
| Flag |
| Valdkund | Romanii |
| Eläjiden lugu (2021) | 263,688 ristitud |
| Pind | 124,89 km² |
 | |
| Pämez' | Vergil' Kicak (mandat 2020−2024, Vergil Chițac) |
| Telefonkod | +40-(0)41 |
| Aigvö | tal'vel UTC+2, kezal UTC+3 |
Eländpunktan aluz om pandud 7. voz'sadal EME kuti Amuižen Grekanman Tomis-kolonii. Nügüdläine nimi mainitase kirjutadud purtkiš vspäi 950 (Konstantia). Vll 1419−1878 oli kalanpüdajiden žiloks Ottomanan imperijas. Vl 1895 raudte ühtenzoiti sidä Buharestanke, importan-eksportan port radaškanzi.
Konstanc šingotase meriportal i laivansauvomižel, kivivoimülütimiden pästandal, nahktegesiden edheotandoil, mugažo turizmal i openduzkeskuseks.
Lidn sijadase Mustmeren päivlaskmaižel randal, 25 m ü.m.t. keskmäižel korktusel. Matkad Buharesthasai om 200 km päivlaskmha orhal vai 220 km avtotedme. Romanijan kaikiš järedamb meriport om 30 km pitte 39,26 km² pindal. «Dunai — Mustmeri»-kanal läbitab lidnan suvipalad.
Klimat om subtropine kuivahk. Keza om päivoikaz lujas. Voden keskmäine lämuz om +12,6 C°, kezakun-elokun +21,5..+23,9 C°, tal'vkun-uhokun +1,4..+3,2 C°. Ekstremumad oma −25,0 C° (viluku, uhoku) i +38,5 C° (heinku). Kezaaigan minimum om +6,4 C° (kezaku), tal'vaigan maksimum om +24,5 C° (uhoku). Ei voi panda halad semendkus-sügüz'kus. Paneb sadegid 467 mm vodes, läz tazomäras kuidme, enamba semendkus (45 mm) i sügüz'kus-tal'vkus (41..44 mm kus), vähemba uhokus (26 mm). Kun keskmäine relätivine nepsuz vajehtase 76..83 % röunoiš sulakus-redukus, 85..88 % kül'mkus-keväz'kus.
Lidnan Nevondkund kogoneb 27 ezitajaspäi. Lidnan pämez' om primar (rom.: Primar al municipiului Constanța). Edeližed lidnan pämehed oma Dečebal Fegedeu (Decebal Făgădău, kezaku 2016 — kül'mku 2020), Radu Mazere (Radu Mazăre, kezaku 2000 — semendku 2015).
Vn 2011 Romanijan rahvahanlugemižen mödhe lidnan eläjiden lugu oli 283 872 ristitud. Vl 2016 kaik 317 832 eläjad oli lidnas. Kaikiš suremb lidnan ristitišt oli 350 581 eläjad vl 1992. Kaik 425 916 eläjad oli ezilidnoidenke 1013,5 nellikkilometrad pindal vl 2011.
Rahvahad (2011): romanijalaižed — 83,1 %, tatarlaižed — 2,6 %, turkad — 2,3 %, čiganalaižed — 0,8 %, toižed rahvahad i rahvahuden ozutandata — 11,2 %.
.JPG)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
