From Wikipedia, the free encyclopedia
Sured järved (angl.: Great Lakes, franc.: Grands Lacs) oma reskveden järvišt Pohjoižamerikas, AÜV:oiden i Kanadan röunal, kaikiš suremb mugoine mail'mas. Järved mülüdas Pühän Lavrentijan jogen basseinha (lankteb Atlantižhe valdmerhe).
Nened järved oma (mödvedhe): Üläjärv, Mičiganjärv (AÜV:oiš täuzin), Guronjärv, Erinjärv da Ontarionjärv, erasti Sent Kler-järv ližatas sihe. Järviden pindan kaks' koumandest sijadase AÜV:oiš, koumandez om Kanadas. Järved ühtenzoittas keskneze jogil, sal'mil da kanalil.
Järvišt sädihe jäl'gmäižen jäpordan lopus kümne tuhad vozid tagaz jäžoman vedusen tagut.
Suriden järviden ühthine pind om 244 106 km². Basseinan pind — 768 tuh. nellikkilometrid (järvidenke). Veden ühthine mülü — 22 671 km³. Randanpird saridenke om 18 tuh. km. Kaikiš süvemb om Mičiganjärv, 281 m süvütte.
Laivoiden likund i kalanpüdand oma šingotadud järviš. Sured järved ühtenzoitasoiš kanalil Gudzon-jogenke i Mississipi-jogen basseinanke. Päižed portad järviden randoil oma Buffalo, Čikago, Detroit, Klivlend, Miluoki, Toronto.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.