Drammen
From Wikipedia, the free encyclopedia
Remove ads
Drammen (mugažo norvegijan kelel, virkand [ˈdrɑ̀mːən]) om Norvegijan lidn da kund (kommun) valdkundan suves. Se om valdkundan kudenz' lidn eläjiden lugun mödhe. Om Buskerud-agjan administrativižeks keskuseks, vll 2020-2023 mülüi Viken-agjaha.
Remove ads
Istorii
Drammen-municipalitetan aluz om pandud vl 1838 koumes penes meriportaspäi: Bragernes, Strömsö (Strømsø) i Tangen. Se om ühtištadud Skoger-municipalitetanke vspäi 1964. Sur' lämoipalo tegihe lidnas vn 1866 heinkun 12.-13. päivil, sen jäl'ghe keskuzpala oli alištunu rekonstrukcijale. Raudte tuli lidnha vl 1872 i ühtenzoiti Oslonke.
Drammen-lidn šingotase elektrotehnižel sarakol (elektromašinad, kabeläd), optikan edheotandal, mecan ümbriradmižel, sauvondan kompanijoil, torguindal tukuil (sidä kesken avtoiden import), tervhudenkaičendal da socialižil holitišil.
Remove ads
Geografijan andmused
Lidn sijadase agjan suvipäivnouzmas, Drammenselv-jogen randoil sen lanktendan sijas Drammen-fjordha. Om ümbärtud mägil. Matkad Oslohosai om 40 km pohjoižpäivnouzmha.
Klimat om ven valdmeren valatoitandanke. Voden keskmäine lämuz om +6,6 C°, kezakun-elokun +15,3..+18,0 C°, tal'vkun-uhokun −2,4..−3,3 C°. Ekstremumad oma −28,0 C° (viluku) i +35,0 C° (eloku). Kezaaigan minimum om +1,4 C° (kezaku), tal'vaigan maksimum om +14,6 C° (uhoku). Ei voi panda halad kezakus-elokus. Paneb sadegid 808 mm vodes, läz tazomäras kuidme, enamba elokus (89 mm) i redukus-kül'mkus (83..89 mm kus), vähemba uhokus-sulakus (43..46 mm kus).
Remove ads
Tobmuz
Lidnankund mülüti kaht tošt kundad (Nedre Eiker i Svelvik) vl 2020. Jagase kümneks nomeruidud i nimitadud municipaližeks regionaks.
Edeližed lidnan pämehed (üks'lugu norv.: Drammens ordfører) oma Monika Mürvol'd Berg (Monica Myrvold Berg, viluku 2020 — reduku 2023), Tore Opdal Hansen (reduku 2003 — tal'vku 2019).
Eläjad
Vl 2014 arni lidnan eläjiden lugu oli 65 473 ristitud, vl 2021 — 82 875 ristitud. Lidnan territorii levigandeb nellän lähižen kundan territorijoihe.
Irdkosketused
 |
Drammen Vikiaitas |
Wikiwand - on
Seamless Wikipedia browsing. On steroids.
Remove ads