Flag

Flag (alaman kelen vlag-sanaspäi^[1]) om oigedsaumaižen geometrižen forman paltin (tobjimalaz — oigedsaumaine), eriliženke mujunke i märitud kül'giden rindatusenke.

Valdkundoiden flagad pidust' allejad Rahvahiden pert'kulunnoks, ÜRO:n päfater Ženevas, Šveicarii, 2012

Lipuine om üks'jäine produkcii, flag — massine tehmine. Valdkundan flag om ühteks valdkundznamoišpäi. Valdkundan flagan ližaks, äjil valdkundoil soda-, sodameri- da torguind- (kommertine) flagad oma olmas. Tobjimalaz libutadas flagad eriližel mastal (flagštokal). Veksillologii om otnus flagoiden tedoidushe.

Ičeze flagoil oma ei vaiše valdkundad, no erased regionad da lidnad, formacijad, mugažo rahvahidenkeskeižed organizacijad (oz., ÜRO:n flag), kommertižed kompanijad, rahvahaližed likundad da diasporad (etnine flag), kundaližed likundad (oz., pacifistoiden flag), radnikused, sportjoukud-ki.

Sen ližaks, kävutadas signal'flagoid laivištos oigendamha vestid laivoiden tömehištoiden keskes. Voib kävutada flagkompozicijoid reklaman i dekorativižen kävutandan täht.