Hoking Stiven

Stiven Uil'jam Hoking (angl.: Stephen William Hawking; sünd. 8. viluku 1942, Oksford, Anglii, Sur' Britanii — kol. 14. keväz'ku 2018, Kembridž, Anglii, Sur' Britanii) oli britanine (anglijalaine) teoretižen fizikan tedomez', astronom, kosmologist.^[18]

Hoking Stiven
angl.: Stephen William Hawking
Stiven Hoking, läz 1980. voden fotokuva
radmižen toižend:	theoretical physicist, kosmoloog, kirjutai
sündundan dat:	Lua tõrge kohal Moodul:Sources 199. real: attempt to concatenate local 'letter' (a nil value).
sündundan sijaduz:	Oksford, Oxford[d], Anglii, Sur' Britanii[1]
valdkund:	Sur' Britanii[2][1]
kolendan dat:	14. keväz'ku 2018(2018-03-14)[3][4][5][6][7][8][9][10][11][12][13][14][15] (76 vot)
kolendan sijaduz:	Kembridž, Cambridgeshire[d], Anglii, Sur' Britanii[16][1]
tat:	Frank Hawking[d][17]
mam:	Isobel Eileen Hawking[d][17]
sait:	hawking.org.uk
Hoking Stiven VikiAitas

Biografii

Stiven oli sündnu angližhe Oksford-lidnha, sen universitetan medicinan Frenk-tedoidajan (1905−1986) i Isobel' Eilin Hoking-sekretarin (neiččel Uolker, 1915−2013) kanzha. Kaks' norembad Filippa- i Meri-sizart oli Stivenal, sen ližaks Edvard Frenk Devid-vellindam (1955−2003).

Stiven Hoking om Oksfordan universitetan vn 1962 pästnikan, sai ezmäšt tedoarvod Kembridžan Triniti-holl-kolledžas. Radoi Kembridžan universitetas vspäi 1965 i 1980-nzihe vozihesai. Tedoizi mustoid reiguid, ühtenzoiti niiden olendad termodinamikanke. Vodele 1975 sädi teorijad mustan reigun «purustuses» Hokingan sädegoičendan pästandanke.

Fizikantedomez' oli läžui ičeze kibul 1960-nziš vozišpäi. Lopi pagišta tävun poltusen löumendusen jäl'ghe vl 1985. Tedomez' koli Kembridžas.^[19]

Kanz

Hoking oli naižiš kaks' kerdad: 1965−1990-nded voded i vll 1995−2006. Kazvatihe koume last ezmäižes naimiželos: Robert-poig (sünd. 1967), Lüsi-tütär (sünd. 1970) i Timoti-poig (sünd. 1979).

Populärižed kirjad

• «Aigan lühüd istorii» (A Brief History of Time, 1988)
• «Mustad reigud da nored mail'mad» da tž. pästandad (Black Holes and Baby Universe and Other Essays, 1993)
• «Mail'm pähkmen koren al» (The Universe in a Nutshell, 2001)
• «Ogibaloiden mehiden ougil» (On The Shoulders of Giants, 2002)
• «Jumal sädi kogonaižid luguid: matematižed läbirebitesed, kudambad vajehtiba istorijad» (God Created the Integers: The Mathematical Breakthroughs That Changed History, 2005)
• «Džordž i Mail'man peitused» (George's Secret Key to The Universe, 2007)
• «Minun lühüd istorii» (My Brief History, 2013)
• «Džordž da Sinine Kudmaine» (George and the Blue Moon, 2016) — lapsiden täht, kirjuti ühtes Lüsi-tütrenke

Kacu mugažo

• Kaiken teorii (fil'm, 2014)