Järgeline herneh

Järgeline herneh (latin.: Pisum sativum) om üks'vozne heinäsine kazmuz Bobanvuiččed-sugukundaspäi, Herneh-heimon tipine erik. Udes taritud klassifikacijan mödhe erikon latinine nimituz om Lathyrus oleraceus (se oli sinonim ende), i kazmused mülüdas Činan heimho. Om sätud äi sortuid.

? Järgeline herneh
Järgeližen hernhen toižend (Pisum sativum var. macrocarpon)
Tedoklassifikacii
Valdkund: Kazmused Palakund: Änikkazmused (Magnoliophyta) Klass: Kaksidülehtesižed (Dicotyledones) Kund: Bobänikoižed (Fabales) Sugukund: Bobanvuiččed (Fabaceae) Heim: Herneh (heim) (Pisum) Erik: Järgeline herneh
Latinankel'ne nimi
Pisum sativum L., 1753
Areal
Kuivatud hernhen tehmine mail'man valdkundoidme vl 2007
Sistematik Vikierikoiš Kuvad Vikiaitas ITIS 26867 NCBI 3888

Ümbrikirjutand

Kazmusen jändused oma löutud kiviaigan i bronzaigan vaisauvusiš. Kazvatadihe amuižes Indijas, no herneh oli tundmatoman Amuižes Egiptas.

Kerdui kazmuz, 0,5..2 metrad kortte. Ozimman sortud oma pakaiženvastaižed. Änikod oma vauktad, erasti ruzad vai ruskedsinižed, 15..35 mm surtte. Bobad oma 2,5..12 × 1..2,5 sm surudel, mülütadas 2..10 šurunvuittušt sement-hernhut. Vegetacii jätktase 55..75 päiväd sorthu kactes.

Kazvatand

Kazvatadas sömkazmuseks i sötmižkazmuseks. Vl 2016 kuivatud hernhen mail'man satuz oli 14,36 mln tonnoid, kaikiš järedambad kazvatajad oliba Kanad (4,61), Venäma (2,2), Kitai (1,2) i Indii (1,02 mln tonnoid).

Keittas i haudutadas herneht, slokosttäs pudrad, keitost (toižend — rok), ližatas salatoihe. Hernhesižed pirgad nimitasoiš hernehnik i hernehsuusin, mugažo tulčenik. Olanj hernehjauhospäi lumenke om luminik.

Kacu mugažo

• Hajuherneh
• Hernehhein
• Hirenherneh
• Kur'genherneh
• Mujuherneh