Kauniainen
From Wikipedia, the free encyclopedia
Remove ads
Kauniainen (mugažo suomen kelel, virktas [ˈkɑuniˌɑinen]; ročin kelel: Grankulla) om Suomenman pen' lidn da kund valdkundan suves, Udenman provincijas. Se om anklavaks Espoo-lidnan keskuzpalan südäimes, päivlaskmha Hel'sinkišpäi.
Remove ads
Istorii
Eländpunktan aluz om pandud vl 1920. Se sai lidnan statusad vl 1972.
Geografijan andmused
Matkad Hel'sinkin keskuzpalahasai om kaks'toštkümne kilometrad päivnouzmha-suvipäivnouzmha orhal.
Vn 2018 andmusiden mödhe lidnan kogonaine pind om 6,00 nellikkilometrad, sokhata mata — 5,89 km².
Tobmuz
Lidn jagase kahesaks nomeruidud laptaks (1..8). Kaik 35 ezitajad ratas lidnan suimas (suom.: Kauniaisten kaupunginvaltuusto).
Torsten Viden (roč. Torsten Widén) radoi lidnan edeližen pämehen vozil 2006−2015.
Eläjad
Vl 1980 lidnankundan eläjiden lugu oli 7 203 ristitud, vl 2000 — 8 532 ristitud, vl 2010 — 8 689 ristitud, vl 2018 — 9 601 ristitud. Kaikiš suremb lidnan ristitišt om nügüd'.
Vl 2016 mamankelen mödhe 59,5 % oliba suomenkel'žed, 34,1 % oliba ročinkel'žed (vl 1950 koume videndest oli heid), 6,4 % — toiženke kelenke.
Galerei
Lidnan ohjastusen pert' (2013)
Kauniainenan lüteranine jumalanpert' (om saudud vodele 1983), vn 2011 nägu
Enččel Mikael' Lübek-tegijan Vallmogård-erižpert' (2005), kävutase kul'turkeskuseks. Toižen mail'man sodan aigan sauvuz oli AÜV:oiden sur'oigenduzkundan sijaduseks
«Grani»-torguindkeskuz vl 2013
Lidnan keskuzline stadion (2015)
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads