Kilogramm

Kilogramm om massan märičendühtnik. Om rahvahidenkeskeižen SI-sisteman päižes seičemes märičendühtnikaspäi, niišpäi om üks'jäine prefiksanke (kilo-). Rahvahidenkeskeine znamoičend om kg.

Kilogramman rahvahidenkeskeine etalon, kaičese Suren Parižan Sevr-kundas

Etimologii

Kilogramm-sana libub francijan kelen kilogramme-sanaspäi (om fiksiruidud vl 1795^[1]), a se om sätud grekan kelen sanoišpäi: grek.: χίλιοι hilioi «tuha» i grek.: γράμμα gramma «pen' veduz»^[2]. Vl 1797 sana putui anglijan kel'he, sid' leviganzi mail'madme^[3].

Märhapanend

Vahvištadud vn 2018 kül'mkus märhapanendan mödhe, kilogramm om massan suruz, panese Plankan kaikenaigaižen ${\displaystyle h}$ 6,62607015⋅10⁻³⁴-znamoičendha tazostadud tarkoikti, konz se om ozutadud SI:n Dž⋅s-ühtnikan kal't, kudamb om ekvivalentine kg⋅m²⋅s⁻¹-ühtnikale.

Vn 2019 semendku 20. päivhäsai märhapanihe kilogrammad etalonal cilindran nägul. Se kogoneb ühthesuladusespäi, kudamban mülünd om platin (ühesa kümnendest) i iridii (kümnendez). Etalonan kopijad kaičesoiš mail'man suriš maiš.

Kodielos kilogramm om puhthan himižikš veden 1 dm³ massha tazostadud sen maksimaližen ninevuden lämudel (läz +4 C°), mugoman znamoičendan tarkoiktuz om ±0,2 %. Kirjutimen saub vedab läz üht grammad.

Ühtnikad kilogramman alusel

1 gramm = 10⁻³ kg. Sätas ližaühtnikoid kilogramman alusel SI-sisteman standartižiden prefiksoiden abul.

Äikerdoittud gramman i sen doliden kävutandan ozutesed

Suruz	Märičendühtnik	Znam	Ozutez		Suruz	Märičendühtnik	Znam	Ozutez
101	dekagramm	dag	ei ole rekomendacijad kävutandale		10−1	decigramm	dg	ei ole rekomendacijad kävutandale
102	gektogramm	gg / hg	ei ole rekomendacijad kävutandale		10−2	santigramm	sg / cg	ei ole rekomendacijad kävutandale
103	kilogramm	kg	—		10−3	milligramm	mg	—
106	megagramm	Mg	kävutase harvoin		10−6	mikrogramm	µg	—
109	gigagramm	Gg	kävutase harvoin		10−9	nanogramm	ng	—
1012	teragramm	Tg	kävutase harvoin		10−12	pikogramm	pg	—
1015	petagramm	Pg	kävutase harvoin		10−15	femtogramm	fg	—
1018	eksagramm	Eg	kävutase harvoin		10−18	attogramm	ag	—
1021	zettagramm	Zg	kävutase harvoin		10−21	zeptogramm	zg	kävutase harvoin
1024	iottagramm	Ig / Yg	kävutase harvoin		10−24	joktogramm	jg / yg	kävutase harvoin
1027	ronnagramm	Rg	kävutase harvoin		10−27	rontogramm	rg	kävutase harvoin
1030	kvettagramm	Kvg / Qg	kävutase harvoin		10−30	kvektogramm	kvg / qg	kävutase harvoin

Ottas kävutamižhe tonnad (t) megagramman (Mg) sijas. Nened märičendühtnikad oma märicemha atombomban vägevut trotilan ekvivalentas: kilotonn gigagramman (Gg) sijas, megatonn teragramman (Tg) sijas.

Kacu mugažo

• Centner
• Kilogramm-vägi