Lome
From Wikipedia, the free encyclopedia
Remove ads
Lome (franc.: Lomé, eve: Lome) om Togon pälidn, kaikiš suremb lidn da meriport. Se om Mererandaližen agjan administrativižeks keskuseks mugažo.
Istorii
Eländpunktan aluz om pandud eve-rahvahal 18. voz'sadal. Vspäi 1882 Bei-Bič-külä kändihe torguindan keskuseks nügüdläižen lidnan sijas. Ezmäižed merivaldmad oliba saudud vl 1904, päraudtestancii — vl 1905, vaumitihe merikaran vodele 1968. Pälidn valdkundan ripmatomuden aigaspäi (1960).
Lome šingotase eksportan meriportal (kofe, kakao, kopr, pal'mvoi), metallurgižel tegimel i kivivoin ümbriradmižel.
Remove ads
Geografijan andmused
Lidn sijadase valdkundan suves, Gvinejan lahten randal, 10 m ü.m.t. keskmäižel korktusel. Om konurbacijas Ganan Aflao-lidnanke päivlaskmas.
Klimat om tropižen savannan, päivoikaz päiči kezakus-sügüz'kus. Il'man i meriveden keskmäine lämuz vajehtase +25..+30 C° röunoiš kuidme, ekstremumad oma +15,2 C° (viluku) i +38,1 C° (kül'mku). Paneb sadegid 830 mm vodes, enamba kaiked semendkus-kezakus (149..180 mm kus), kuiv sezon oleskeleb kül'mkus-uhokus (8..20 mm kus). Kun keskmäine relätivine nepsuz vajehtase 79..87 % röunoiš voden aigan.
Remove ads
Eläjad
Vl 1960 kaik 85 tuh. ristituid elihe lidnas. Vl 2010 lidnan eläjiden lugu oli 837 437 ristitud, lidnaglomeracijan — 1 477 660 ristitud 280 km² pindal. Kaikiš suremb lidnan ristitišt om nügüd'. Lidnaglomeracijan ristitišt om 2,2 mln eläjid sil-žo pindal (vn 2022 andmused), valdkundan nelländez.
Lomen universitet[1] (franc.: Université de Lomé) om Togon kaikiš suremb (alusenpanend 1970, 44,5 tuh. üläopenikoid vl 2015), vhesai 2001 sen nimituz oli Beninan universitet. Amerikan, Britanijan i Francijan rahvahidenkeskeižed školad ratas lidnas.
Galerei
Gubernatoroiden pert'kulu (2019)
Lidnan torguz i Pühän Südäikeran kafedraline päjumalanpert', vn 2017 nägu (riman katoline, om saudud vll 1901−1902)
Päivlaskmaižen Afrikan šingotesen bankan (BOAD) päfater vl 2018
Kožundan adivpert' vl 1975 (Hôtel de la Paix)
Lomen universitetan erased-se sauvused (2024)
Lomen portan konteinerterminal vl 2024
Rahvahidenkeskeine Lome-Tokuen-lendimport vl 2014
.jpg)
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads