Paimnen torvut

«Paimnen torvut» (ven.: Магия пастушьего рожка, angl.: The Magic Horn) om voden 2015 Venäman dokumentaline fil'm veroližen vepsän paimnen kalun polhe. Siš om venäkel'žid i anglijankel'žid titroid.

Paimnen torvut
Магия пастушьего рожка
The Magic Horn

Režissör	Larisa Smolina, Vladimir Slavov
Scenarii	Larisa Smolina, Vladimir Slavov
Aktörad	Dmitrii D'omin, Jevgenii Fotejev, pohjoižvepsän küliden eläjad, Karjalan i Suomenman muzejiden radnikad
Muzikankirjutai	Dmitrii D'omin
Idejan tegii	Dmitrii D'omin
Operator	Konstantin Nikolaenko, Eduard Petrov
Montaž	Nikolai Konstantinov
Žanr	dokumentaline
Kompanii	Vepsän kul'tursebr, Kastrenansebr (Suomenma), Heimrahvahiden program (Estinma)
Studii	S-film
Voz'	2015
Piduz	39 minutad
Valdkund	Venäma Venäma
Kel'	venäkel', vepsän kel', suomen kel'
Büdžet	tundmatoi
Salhed	direct-to-video

Fil'man päheng om Karjalan Tazovaldkundan rahvahaližiden soitoiden Dmitrii D'omin-mastar, hän-žo vändab niil i radab Petroskoin valdkundaližen konservatorijan opendajan. Süžetan mödhe Dömin keradab vepsän lutuižen sädandan istorijad, lodaidab vepsän küliden eläjidenke paimendusen veroiš, paimnen torvuden magižiš ičendoiš i enččen tehmižen mastariden peitusiš, udessündutab soiton tehmižen tehnologijan.^[1]

Fil'man pätegijad — Vladimir Slavov, Larisa Smolina i Dmitrii D'omin.

Sädusen tiraž om 300 DVD:n ekzemplärad.^[2]