Taranto

Taranto (ital.: Taranto [ˈtaːranto], sijaline pagin: Tarde [ˈtardə], grek.: Τάραντας Tárantas, latin.: Tarentum) om lidn da kommun Italijan suvipäivnouzmas. Mülüb Apulii-agjaha (regionha), om sen Taranton provincijan administrativižeks keskuseks da palaks.

Taranto

Lidnanznam	Flag
Valdkund	Italii
Eläjiden lugu (2024)	186,372 ristitud
Pind	249,86 km²
Pämez'	Rinal'do Melučči (kezaku 2017 — kül'mku 2021, kezaku 2022—, Rinaldo Melucci)
Telefonkod	+39-(0)99
Aigvö	tal'vel UTC+1, kezal UTC+2

Kommunan sijaduz provincijas (2011)

Istorii

Eländpunktan aluz om pandud Amuižen Grekanman spartalaižil vl 706 EME Taras-nimenke (amuižgrek.: Τάρᾱς). 9.-10. voz'sadoil meiden erad lidn oli toran objektaks Vizantijan i arabialaižiden keskes, kaikutte vägestai möi kaik ristitištod orjikš. Vodele 2006 Taranton municipalitet oti velgha €637 mln i eli bankrotnendan proceduras läbi.

Taranto šingotase raudan metallurgijal, kivivoihimižel tegimištol, cementan tehmižel i meriportal. Italijan sodamerilaivišton Ionižen ümbrikon štab radab lidnas.

Geografijan andmused

Lidn sijadase Ionižen meren Taranton lahten randal, 3..431 m korktusil, 15 m ü.m.t. keskmäižel korktusel. Matkad Rimhasai om 430 km päivlaskmha-lodeheze orhal vai 520 km avtotedme.

Klimat om subtropine kuivahk Keskmeren, kontinentan kaikenaigaiženke valatoitusenke. Se om päivoikaz, kezal eriližešti. Voden keskmäine lämuz om +16,6 C°, kezakun-sügüz'kun +22,2..+25,1 C°, tal'vkun-uhokun +9,1..+10,4 C°. Ekstremumad oma −10,0 C° (viluku) i +43,0 C° (heinku). Kezaaigan minimum om +7,4 C° (kezaku), tal'vaigan maksimum om +23,0 C° (tal'vku). Ei voi panda halad semendkus-redukus. Paneb sadegid 425 mm vodes, enamba redukus-tal'vkus (52..63 mm kus), vähemba kezakus-heinkus (11..12 mm kus). Kun keskmäine relätivine nepsuz vajehtase 61..66 % röunoiš kezakus-sügüz'kus, 73..80 % redukus-keväz'kus.

Tobmuz

Lidnan kuz' ümbrikod (2023)

Taranto-lidn jagase kudeks ümbrikoks (äilugu ital.: circoscrizioni).

Edeline lidnan pämez' (ital.: sindaco di Taranto) om Ippacio Stefano (Ippazio Stefano, kezaku 2007 — kezaku 2017).

Eläjad

Vn 2011 Italijan rahvahanlugemižen mödhe lidnan eläjiden lugu oli 200 154 ristitud. Kaik 199 561 eläjad oli lidnas vn 2018 lopus. Kaikiš suremb kommunan ristitišt oli 244 101 eläjad vl 1981.