Taurage
From Wikipedia, the free encyclopedia
Remove ads
Taurage (litv.: Tauragė, saks.: Tauroggen, pol'š.: Taurogi, jidiš: טאווריק/Tovrig, ven.: Таураге, Тауроги vai Таурогген) om lidn Litvanman päivlaskmas.
Istorii
Eländpunkt mainitase ezmäižen kerdan vl 1507 kut usadib, žilo senno i vaiše vaumitud puine katoline kostöl školanke. Nimituz sel'genzoitase litvan kelen kahtes sanaspäi: tauras «tur (mechärg)» i ragas «sar'v» tegesiden torhuden mödhe.
Žilo oli Litvanman lüteranine keskuz, lüteranine pühäpert' oli saudud vl 1567. Sil-žo vodel muit radaškanzi, žilo seižui röunmal. Vll 1691−1793 mülüi Prussijha, sid' oli Venäman imperijan palaks. Kändihe ripmatoman Litvanman žiloks vl 1920, sai lidnan statusad vl 1924.
Taurage šingotase tegimišton parkal (3 km², sidä kesken keramine tegim sijaližel savel), avtoiden torgusel, turizmal (Tauragen lidnuz, bobuštuzpark).
Remove ads
Geografijan andmused
Lidn sijadase Jurajogen hural randal (litv. Jūra, Nämunasan oiged ližajogi), 36 m korktusel valdmeren pindal päl. Matkad Vil'nüshasai om 201 km suvipäivnouzmha. Ühtenzoitase Šäuläinke raudtedme, matkad sihesai om 102 km pohjoižpäivnouzmha.
Vn 2011 Litvanman rahvahanlugemižen mödhe lidnan eläjiden lugu oli 24 389 ristitud, heišpäi 98% oma litvalaižed. Kaikiš suremb ristitišt oli 30 119 eläjad vl 1989.
Remove ads
Sport
- FK Tauras (Taurage)
Homaičendad
Irdkosketused
Wikiwand - on
Seamless Wikipedia browsing. On steroids.
Remove ads