Mens
From Wikipedia, the free encyclopedia
Ne mins, miens (ZO WVL) of mens (NW WVL) (Homo sapiens of verstandige mens) is een twêvoetign primoat, die deel uutmakt van de familië van de mensoapn (Hominidae), woa dan ook de orang-oetangs, gorillas en chimpansees in zittn. De mens is d'enigste sôorte van 't geslacht Homo da nog leeft. DNA ounderzoek hè getoogd dat de moderne mens omtrent 200.000 joar geleen in Afrika is ountstoan en hem van doaruut over hêel de weireld hè versprêed. De weireldbevolkienge hèt enorm toegenoomn in de latste twêduusd joar, en voarol in de verbye êeuwe. Volgens de latste officiêle schattienge stound de bevolkienge in 't midden van 2009 up 6.790.062.216 mensn,[1] mè grôte bevolkiengsgetalln up olle weirelddêeln beholve Antarctica.
Mens | ||||||||||||
---|---|---|---|---|---|---|---|---|---|---|---|---|
Twee minschn: ne vint en e vrouwe | ||||||||||||
Taxonomische indêlienge | ||||||||||||
| ||||||||||||
Soorte | ||||||||||||
Homo sapiens Carolus Linnaeus, 1758 | ||||||||||||
Mensn zyn, gelik d' oapn, socioale bêestn. Ze scheppn complexe socioale structeurn en zyn over 't olgemêen goed in 't kommunikeern met andere mensn. De socioale interaksjes tusschn mensn varieern geweldig mè grôte culturêle verschilln in tradities, rituêeln, ethische weirdn en wettn.