Sjantar-Eilandn
Eilandngroep in de Zêe van Okhotsk From Wikipedia, the free encyclopedia
Eilandngroep in de Zêe van Okhotsk From Wikipedia, the free encyclopedia
De Sjantar-Eilandn (Russiesch : Шантарские острова, Shantarskiye ostrova) zyn 'n arsjiepêl van viftien eilandn geleegn dichte by de westlikke kuste van de Zêe van Okhotsk in Oeda-Boaje. De mêeste van die eilandn ên ruuwe klippn, mo ze zyn mo moatig ooge; 't oogste punt in d' eilandn-groep ligt ip 720 meetrs boovn de zêespeegle.
D' eilandn-groep wordt bestierd deur Rusland lik dêel van de provinsje Khabarovsk Kraj. De nateurlikke vegetoasje en de bêest-weirld maakn dêel uut van de boreoale busschn van Okhotsk-Mantsjoerye.
D' eilandn zyn teegnwôordig oenbeweund mo ze woarn gekend deur de Giljak-stammn vor undre visgroendn.
D' êeste ipgeschreevn verkennienge van de Sjantar-Eilandn gebeurde in april 1640, ot de Russiesche oentdekkiengsreizgr Ivan Moskvitin no de moendienge van d' Amoer-Rieviere zeilde mêt e bende Kozakkn en ip de terugweg de Sjantar-Eilandn zag liggn. Moskvitin brocht verslag uut van zyn oentdekkiengn an Prins Sjtjerbatov, de Moskovietiesche kommandant van Tomsk. Gesteund ip 't verslag van Ivan Moskvitin wierd d' êeste Russiesche koarte van 't Verre Ôostn gemakt in moarte 1642. De Sjantar-Eilndn wierdn ook oendrzocht deur Russiesche landmeetrs tusschn 1711 en 1725 [2].
Ip 't ende van 2013 wierd 't Nasjonoal Park van de Sjantar-Eilandn (Национальный парк «Шантарские острова») gesticht deur Russchiesche weetnschapprs en nateurbeschermrs, mê de steun van de Weirld Nateur-Stichtienge (WWF) en verschillnde internasjonoale organiezoasjes, vo de nateure ip die eilandn te beschermn [3].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
