Amniota

Amniota zyn e clade van gewervelde viervoewters, woaroender de reptieln (inclusief dinosauriërs en dus veugels) en zoogbeist'n. Amniota hèn e vlies, 't amnion, roend hunder eiers. D' eiste amnioot'n trok'n ip kleene akketesn en evolueerd'n oengeveer 312 miljoen joar geleen uyt de Reptiliomorpha. Hunder eiers kost'n uyt 't woater overleevn, woardeure dan z' in e drogere omgevynge kost'n goan leevn. Ze verschiln doarin van d' amfibieën en visn die hunder eiers in 't woater legn.

Dat artikel es geschreevn in 't Kustwestvlams.

Meer informatie Taxonomische indêlienge, Clade ...

De noame Amniota wierd voorngesteld deur Ernst Haeckel in 1866. Teegnwoordig wordt de noame gegeevn an e clade (monofyletische groep) oender de superklasse Tetrapoda.

Cladistische classificoasje:

Synapsida (zoogbeist'n en hunder uytgestorvn verwant'n)
Sauropsida (reptieln (inclusief veugels) en d' uytgestorvn Parareptilia)
- Diapsida (oender andere slangn, akketesn, veugels, krokodielachtign en schildpad'n)