Ermentiers
From Wikipedia, the free encyclopedia
Remove ads
Remove ads
Ermentiers ofte Armentiers (Frans: Armentières) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Ermentiers ligt in't Leiedal, teegn de schreve mè 't Woalsche Koomn-Woastn en de Fransche Westoek.
.svg)
't Grenst an de gemêentn Koomn-Woastn (mêer bepoald an Ploegsteirt en 'n Bizee), Opline, Ermentiers-Kapelle, Erkegem an de Leie en Niepkerke. In Ermentiers ligt er ôok e stoasje an d'yzerboane tusschn Rysel en Oazebroeke.
Ermentiers es e klêene steej an de Leie da leeft van d'industrie. Der weun'n apeupri 25.000 mienschn die ze Armentiérois noem'n. D'n bekendst'n Armentiérois es verzekers Dany Boon, klugtigoard en acteur bekend van de film Bienvenue chez les Ch'tis uut 2008.
Remove ads
Geschiedenisse
't Dorp Ermentiers is vo 'n êeste ki vernoemd in 869 ounder de noame Atramentarias. 't Wos e dêel van 't Groafschap Vloandern, en 't lag êeuwnlank op de grenze tussch'n 't stik woa dan ze Vlams koutigd'n en Romoans-Vloandern. Deur 't Verdrag van Oakn van 1668 kwam et by Vrankryk, tôope mè Rysel. In de neegntiende êeuwe wierd et en industriestad die lêefde van d'n textil en de brouwery'n. Ermentiers eit ôok vrêe te lyd'n g'et byst de twêe weireldoorloogn. In d'n Êestn Weireldoorloge es 't stee twêe kêer deur de Duutsche veroverd.
Remove ads
"Armentières, pauvre mais fière"
Ton da Ermentiers by Vrankryk kwam, goenk er e delegoasje van de stad na keunienk Lodewyk XIV. Achter vele joarn van ôorlog wos 't oarmoe troef by de bevolkienge. Moa de burgers wou'n nunder ni loatn kenn'n, en azo schôoinde ze sjieke klêers van ander mienschn om by 'n keunienk te komm'n. Lodewyk XIV adde ôord van nunder truuksje en ne zei: Armentières, pauvre mais fière (Ermentiers, arme moa preus). Da blêef, tout op vandoage, de spreuke van de stad.
Remove ads
Beziensweirdigeedn
- 't Belfort van Ermentiers
- De Sent-Vaastkerke
- De Sent-Louiskerke
- D'Oude-Lieve-Vrouwe-van't-Illig-Èrte-kerke
- D'Illige-Theresia-van't-kindeke-Jezuskerke
- De Sint-Jozefskerke
- 't Cité Bonjean Military Cemetery, e militaire begroafplekke uut d'n Êestn Weireldoorloge, mè mêer of 2600 ôorlogsgroavn. Ip't kerkof stoat ôok 't Cité Bonjean (New Zealand) Memorial, êen van d'oorlogsmonument'n vo de dôo soldoatn uut Nieuw-Zêeland die gin gekend graf ein.
 |
Ofbeeldiengn die ier by passn ku je vien in de categorie Armentières van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads