Templeuve (Vrankryk)
From Wikipedia, the free encyclopedia
Remove ads
Templeuve (Officiël: Templeuve-en-Pévèle) es e gemêente in Vrankryk in't Noorderdepartement. 't Ligt in Frans-Vloandern, illegansn o de zuudôostkant van Rysels-Vloandern teegn de schreeve mè 't arroundissement Dowoai. Templeuve grenst an de gemêentn Péronne-en-Mélantois, Louvil, Sison, Genst, Nomain, Pevelenkapelle, Mérignies, Ennevelin en Fretin. Hil o 't nôord'n van de gemêente, teegn 't schee'n mè Fretin strôomt de Marke.
.svg)
Dat artikel goat over de Fransche gemêente. Vo de Woalsche dêelgemêente, kykt noa Templeuve (Enegouwn).
Olangsn d'ôostkantn van Templeuve lôopt d'A23-ottostroade tusschn Villeneuve-d'Ascq en Valencyn. In Templeuve ester ôok e stoasje an d'yzerboane tusschn Rysel en Valencyn. 't Stoasje van Ennevelin an dezelfde lynne ligt gedêeltelyk ôok ip't groundgebied van Templeuve, hil o de nôordkantn van't center.
In 2015 ein ze d'officieele noame veranderd van "Templeuve" noa "Templeuve-en-Pévèle", vo nie te verwarr'n mè de gelyknoamige plekke Templeuve, e dêelgemêente van Dôornik in Enegouwn, an den and'ren kant van De Schreve.
Remove ads
Sport
De finoale van de koerseklassieker Parys-Roubei passeert traditionêel olangsn Templeuve. Ip't groundgebied van de gemêente ligter e dubbele kasseystrooke: de Secteur pavé de l'Épinette en de Secteur pavé du Moulin-de-Vertain (die tegoare secteur 8 vorm'n, e makkelik stik van respectievelyk êen en twêe ster'n)
De Secteur pavé de l'Épinette
De Secteur pavé du Moulin-de-Vertain bist d'ediesje van 2014
Remove ads
Beziensweirdigeedn
- De Sinte-Moart'nskerke
- 't Staduus van architect Louis Bonnier uut 1893, da sedert 2002 erkend es lyk istorisch monument
- De Moulin de Vertain, e meul'n die ol in de vêertiende êeuwe vermeld es gewist. D'uudige meuln es van de zeevntiende êeuwe.
- 't Château Baratte
De Sinte-Moart'nskerke
't Staduus
De Moulin de Vertain
't Château Baratte
 |
Ofbeeldiengn die ier by passn ku je vien in de categorie Templeuve-en-Pévèle van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads