Belle
From Wikipedia, the free encyclopedia
Remove ads
Belle (/balə/) (Frans : Bailleul) es e gemêente in Vrankryk in 't Noorderdepartement. 't Ligt in Fransch-Vlaenderen, mêer bepoald in de Franschn Westoek, teegn De Schreeve. Belle grenst an de West-vlamsch gemêente Vlaenderen Bergen (mêer bepoald an Westouter, Loker, Dranouter en Nieuwkerke) en an de Fransche gemêentn Niepkerke, Steenwerk, Zoetestede, Oud-Berkyn, Merris, Metern en Sint-Janskapelle.
.svg)
Belle ligt in 't Frans-Vlamsche Houtland, nie verre van de Leiedaele, an de voet van de bergen van de Fransche Westoek, lyk de Zwortnberg en de Katsberg. By de gemêente ôorn ôok nog de gehuchtn Outerstene, 't Stêentje, De Krebbe en Le Nouveau Monde. Hil o d'ôostkantn van Belle teegn De Schreeve ligt et grensgehuchtje De Seule.
't Weunn e grôote 14.000 mienschn en 't uutzicht is nog ossan styf Vlams, oundermêer om dan der achtern 'n Êestn Weireldôorlooge (verre olles wos plateschootn) uuzn ezet zyn lyk in Brugge. Deur Belle lôopt d'A25-ottostroade tusschn Rysel en Duunkerke, die en ounderdêel es van d'E42. In Belle ligt er ôok e stoasje an d'yzerboane tusschn Rysel en Haezebroek. Ôok lôopt er en ôogesneleydlynne vo TGV's tusschn Rysel en Kales deur 't groundgebied van de gemêente, mo die stopp'n iere vaneig'n nie.
Remove ads
Beziensweirdigeedn
- 't Stadhuus van Belle mè 't belfort, da ôorsprounkelyk wierd ipgericht in de twoalfde êeuwe mo deur d'n tyd verschilligte kêern es g'abimeerd deur brand of ôorlooge. Ôok in d'n Êestn Weireldoorlooge es't hillegansn platgesmeetn. Derachter es 't erbouwd en sedert 1922 es 't erkend lyk istorisch monument. 't Belfort es ôok, tôope mè nen ôop and're belfortn in Vlaenderen en Frans-Vlaenderen, erkend lik weirelderfgoed deur den Unesco.
- De Sint-Vaastkerke
- De Sent-Amandskerke
- 't Ôorloogsmonument, gebouwd ip de plekke van de vroegere Sint-Amandskerke mè stêen'n van de bist d'n oorlooge platgesmeetn kerkn en belfort.
- 't Iengels ôorloogsmonument uut 1921
- 't Présidial, de vroegern rechtbank van de baljuw, es gebouwd in 1776 en es êen van de êenigste gebouwen die nie zyn platgesmeet bist d'n ôorlooge.
- 't Muuzee Benoît de Puydt mè Vlamsche en Nederlandse kunst
- 't Huus van't Nederlands of Maison du Néerlandais (MNL), 't regionoal centrum vo 't Nederlands in Nôord-Vrankryk
- In de gemêente zyn der verschilligte soldoatekerkoovn:
- 't Bailleul Communal Cemetery Extension, mè mêer of 4500 groavn
- 't Outtersteene Communal Cemetery Extension, in 't gehucht Outerstene, mè 1465 gesneuveld'n
- Ip de gemêentelyke begroafplekke van Belle liggen der mêer of 700 Fransche en Iengelsche gesneuveld'n
De Sint-Vaastkerke
De Sint-Amandskerke
't Ôorloogsmonument ip de platgesmeetn Sint-Amandskerke
't Muuzee Benoît de Puydt
't Bailleul Communal Cemetery Extension
_-_Eglise_Saint_Vaast_2.jpg)
Remove ads
Bekende Bellenoars
- Edmond de Coussemaker: vôorvechter van 't Vlamsch in Frans-Vlaenderen
- Bruno Dumont: filmregisseur en scenario-schryver
Externe koppelienge
 |
Ofbeeldiengn die ier by passn ku je vien in de categorie Bailleul (Nord) van Wikimedia Commons. |
Wikiwand - on
Seamless Wikipedia browsing. On steroids.
Remove ads