Wormhout
From Wikipedia, the free encyclopedia
Remove ads
Wormhout (/wµrmut/) es een gemêente in 't Fransche Noorderdepartement, mêer bepoald in de Fransche Westhoek. In 1962 veranderde de gemêente officiël d'oude schryfwyze Wormhoudt in Wormhout deur de veranderde spellienge van Nederlandsche plekkenoamn.
.svg)
Remove ads
Geografie
Wormhout ligt in 't Fransche Houtland en der passeern twêe woaterlôopn deure, den Yzer en de Penebeke.
Geschiedenisse
Wormhout es vo den êerste kêe vermeld gewist ip 't ende va de zevende êeuwe as Woromhold in 't cartularium van d'abdy van Sithiu, 't teegnwôordige Sint-Omaars. Ierin ester e meldienge da ter e schenkienge wos van't domeyn genoamd Woromhold va ne zekere Heremarus an Sint-Winok. 't Verhoal goa da de Bretoense keuningszeune Winok, die an d'ôosprounge ligt vande stichtienge van d'abdy van Sint-Winoksbergn, ipnieuwe de stilte ipzochte in 't zuudelyker geleegn Wormhout. Winok bouwde der round 695 ouk e klôoster an de bôord'n van de Penebeke. 't Klôoster wierd loatr wel verwoest deur de Vikings, mo derachter heripgebouwd in Sint-Winoksbergn. Na't schynt es Winok in 717 ôok begroavn gewist in Wormhout mo kwam zyn gebêente loatr in d'heropgebouwde abdy van Sint-Winoksbergn terecht.
't Groafschap Wormhout wierd gesticht in 1067 en makte dêel uut van't Groafschap Vloandern.
By de Beeldnstorm van 1566, die gestart wos in Steenvoorde, wierd de kerke vernield deur de Geuzn. In 1578 wierd ze were heripgebouwd.
Wormhout wos (lyk olle Nôord-Fransche plekkn) in 1940 bezet deur de Duutschers in de Twidde Weireldoorloge. De gemêente werd bevryd in 1944 oewel da d'officiële kapituloatie van de streke round Duunkerke pas getekend werd ip 9 meie 1945, nen dag achter de kapituloatie van Duutsland, in Wormhout deur de Duutsche vice-admiroal Friedrich Frisius.
 |
Ofbeeldiengn die ier by passn ku je vien in de categorie Wormhout van Wikimedia Commons. |
Remove ads
Wikiwand - on
Seamless Wikipedia browsing. On steroids.
Remove ads