Caroline Gennez

Caroline Paulette H.J. Gennez (Sint-Truyd'n, 21 ogustus 1975) is e Vlamsche politica vo Vooruit, vodien de sp.a, woarvan da ze tusschn 2007 en 2011 partyvoorzitter was. Z' is sedert 30 september 2024 minister van Welzyn, Armoedebestrydienge, Cultuur en Gelyke Kansn in de Vlamsche regerienge-Diependaele.

Dat artikel es geschreevn in 't Noordelik West-Vlams.

---

Caroline Gennez in 2024

Ipleidienge

Gennez hoalde in 1998 heur licentioatsdiplom in de polletieke en sociale weet'nschapp'n an de Katholieke Universiteit Leuvn.

Polletieke carrière

Van 1998 tout 2003 was ze voorzitster van de Joungsocialist'n. Ook was z' in 1999 kort'n tyd kabinetsattaché van Steve Stevaert en doarachter tout 2003 adviseur ip 't kabinet van Johan Vande Lanotte. Ze was van 2001 tout 2003 gemeinteroadslid van Sint-Truyd'n en van januoari tout ogustus 2003 scheep'n.

Van 2003 tout 2004 was ze gecoöpteerd senateur en ze zetelde in 't Vlams Parlement tusschn 2004 en 2007, 2009 en 2010, 2014 en 2022 en vanof 2024. Ze was volksverteegnwoordiger tusschn 2010 en 2014.

In december 2022 kwam ze minister van Ountwikkeliengssoamnwerkienge en Grootsteed'nbeleid in de federoale regerienge-De Croo tout 2024.

Ofbeeldiengn die ier by passn ku je vien in de categorie Caroline Gennez van Wikimedia Commons.