Vlamsche regerienge

De Vlamsche regerienge is d' uutvoerende macht van de Vlamsche Gemêenschap en 't Vlams Gewest in België. Ze zetelt an 't Marteloarspleing in Brussel.

De Vlamsche leeuw, symbool van Vloandern

De zetel van de Vlamsche Regerienge an 't Marteloarspleing

De Vlamsche Regerienge is, juste lik d' andere gewest- en gemeenschapsregeriengn in federoal België, e legislateurregerienge. Da wil zegg'n dat de regerienge nie kan vall'n tusschn twè verkieziengn. De ministers van de Vlamsche regerienge word'n benoemd deur 't Vlams Parlement. De Vlamsche minister-president is d'n ênigst'n die zyn eed moet oflegg'n vo de keunienk. De regerienge mag nie mêer of elf ministers tell'n, woavan dat er teminste êen moe komm'n van 't Brussels Hoofdstedelik Gewest.

Soamnstellienge van de Vlamsche Regerienge

Achter de verkieziengn van 9 juni 2024 hèn den N-VA (31 zetels), Vooruit (18 zetels) en CD&V (16 zetels) e coaliesje gevormd. Den 28stn september 2024 kwoamn ze toet e regeerakkoord.

Regerienge-Diependaele (vanof 30 september 2024):

Noame		Partie		Functie en bevoegdheedn
Kernkabinet
	Matthias Diependaele		N-VA	Minister-president en minister Economie, Innovoasje, Industrie, Buut'nlandsche Zoak'n, Digitaliserienge en Facilitair Management
	Melissa Depraetere		Vooruit	Viceminister-president en minister Weun'n, Energie en Klimoat, Toerisme en Jeugd
	Hilde Crevits		CD&V	Viceminister-president en minister Bin'nland, Steed'n- en Plattelandsbeleid, Soamnleevn Integroasje en Inburgerienge, Besteurszoak'n, Sociale Economie en Zêevisscherie
	Ben Weyts		N-VA	Viceminister-president en minister Begrotienge en Finansjes, Vlamsche Rand, Onroerend Erfgoed, Dierenwelzyn
Ministers
	Zuhal Demir		N-VA	Minister Ounderwys, Werk, Justiesje en Handhoavienge
	Caroline Gennez		Vooruit	Minister Welzyn, Armoedebestrydienge, Cultuur en Gelyke Kansn
	Jo Brouns		CD&V	Minister Omgevienge en Landbouw
	Annick De Ridder		N-VA	Minister Mobiliteit, Openboare Werk'n, Hoavens en Sport
	Cieltje Van Achter		N-VA	Minister Brussel en Media

Overzicht Vlamsche regerieng'n (1981-nu)

Regerienge	Minister-president	Partyen	Periode	Doagn
Regerienge-Geens I	Gaston Geens (CVP)	CVP, SP, PVV, VU	1981-1985	1449
Regerienge-Geens II	Gaston Geens (CVP)	CVP, PVV	1985-1988	785
Regerienge-Geens III	Gaston Geens (CVP)	CVP, PVV	1988	258
Regerienge-Geens IV	Gaston Geens (CVP)	CVP, SP, PVV, VU	1988-1992	1190
Regerienge-Van den Brande I	Luc Van den Brande (CVP)	CVP, SP	1992	15
Regerienge-Van den Brande II	Luc Van den Brande (CVP)	CVP, SP, VU	1992	258
Regerienge-Van den Brande III	Luc Van den Brande (CVP)	CVP, SP, VU	1992-1995	973
Regerienge-Van den Brande IV	Luc Van den Brande (CVP)	CVP, SP	1995-1999	1424
Regerienge-Dewael	Patrick Dewael (VLD)	VLD, SP, Agalev, VU	1999-2003	1423
Regerienge-Somers	Bart Somers (VLD)	VLD, sp.a, Groen!, Spirit	2003-2004	405
Regerienge-Leterme I	Yves Leterme (CD&V)	CD&V-N-VA, sp.a-Spirit, VLD	2004-2007	1072
		CD&V-N-VA, sp.a-Spirit, Open Vld
Regerienge-Peeters I	Kris Peeters (CD&V)	CD&V-N-VA, sp.a-Spirit, Open Vld	2007-2009	746
		CD&V, sp.a-Spirit, Open Vld
		CD&V, sp.a, Open Vld
Regerienge-Peeters II	Kris Peeters (CD&V)	CD&V, sp.a, N-VA	2009-2014	1838
Regerienge-Bourgeois	Geert Bourgeois (N-VA)	N-VA, CD&V, Open Vld	2014-2019	1803
Regerienge-Homans	Liesbeth Homans (N-VA)	N-VA, CD&V, Open Vld	2019	92
Regerienge-Jambon	Jan Jambon (N-VA)	N-VA, CD&V, Open Vld	2019-2024	1825
Regerienge-Diependaele	Matthias Diependaele (N-VA)	N-VA, Vooruit, CD&V	2024-

Kykt ook noa

• Woalsche regerienge

Externe koppelienge

• Website van de Vlamsche regerienge