Gertrude van Saksn

Gertrude van Saksn of Geertrui van Holland (Schweinfurt ca.1030 – Veurn 4 ogustus 1113) kwam achter heur êestn trouw Gravinne van West-Friesland en achter heur twiddn trouw Gravinne van Vloandern. Ze was e dochter van Bernard II, hertog van Saksn en Eilika van Schweinfurt.

Gertrude van Saksn

1033-1113
Gravinne van Holland
Periode 1050 - 1061 (mè Floris I) 1061 - 1063 (regentesse vo Dirk V) Vôorganger Floris I van Holland Ipvolger Robrecht de Fries (regent vo Dirk V)
Gravinne van Vloandern
Periode 1071-1093 Vôorganger Richilde van Henegouwn Ipvolger Clementia van Bourgondië
Voader Bernard II van Saksn Moeder Eilika van Schweinfurt

Ze trouwde round et joar 1050 mè Floris I van Holland. In 1061 is heur vint vermôord en kwam ze regentesse vor heur zeune Dirk V. Willem I, den bisschop van Utrecht, profiteerde van de situoatie vo de macht te krygn over e stik van West-Friesland, met de steun van Hendrik IV van ‘t Hillig Rooms Ryk. Gertrude trok heur were met heur jounges in Zêeland.

In 1063 is z’hertrouwd mè Robrecht I van Vloandern, die ton de bynoame Robrecht de Fries krêeg. In dien tyd was ter nog sproake van ’t Groafschap West-Friesland. De noame Groafschap Holland kwam moar in gebruuk round 1100.

Heur jounges mè Floris I van Holland:

• Adela van Holland (ca. 1045-1085), getrouwd mè Boudewyn I van Guînes
• Dirk V van Holland (ca. 1052-1091)
• Pieter (geb. ca. 1053), kanunnik in Luuk
• Bertha van Holland (ca. 1055-1094), trouwde in 1072 mè Filips I van Vrankryk
• Floris (geb. ca. 1055), kanunnik in Luuk
• Machteld (geb. ca. 1057)

Heur jounges mè Robrecht de Fries:

• Robrecht II van Vloandern of Robrecht II van Jeruzalem
• Adela van Vloandern, getrouwd mè Knud IV van Denemarkn, d’ouders van Karel de Goein
• Gertrude van Vloandern, getrouwd mè Diederik van Ipper-Lothariengn, d’ouders van Diederik van den Elzas
• Filips van Lo (zyn ounwettige zeune Willem van Yper (of Willem van Lo) was burggroave van Yper en Lo)
• Ogiva, abdis van Mêesn

Gertrude van Saksn stierf den derdn ogustus 1113 in Veurn en z’is doa begroavn in de St.-Walburgakerke.